১০০ দিনৰ ভিতৰত পৰিষ্কাৰ হ'ব লাগিব ডিব্ৰুগড় চহৰ ।ডিব্ৰুগড় জিলাৰ জিলা উপায়ুক্ত বল্লভ গোপাল জাহে বুধবাৰে ডিব্ৰুগড় নগৰপালিকা বোৰ্ডৰ নিৰ্দেশ দিয়ে যে নগৰপালিকাৰ অন্তৰ্গত সকলো অঞ্চল পুৱা ৬ বজাৰ আগতে পৰিষ্কাৰ কৰিব লাগিব । ডিব্ৰুগড় নগৰপালিকা বোৰ্ডৰ উপ অধ্যক্ষ, ৱাৰ্ড আয়ুক্ত , ডিব্ৰুগড় নগৰপালিকা বোৰ্ডৰ বিষয় ববীয়া আৰু জিলা উপায়ুক্তৰ সৈতে এখন বৈঠক অনুষ্ঠিত হয় । এই বৈঠকত জিলা উপায়ুক্ত গৰাকীয়ে কিছুমান সমস্যা সমাধানৰ বাবে নিৰ্দেশ দিয়ে । সেই সমস্যা সমূ্হৰ ভিতৰত কামৰ বিতৰন , আন কিছুমান পৰিবহন সম্বন্ধীয় সমস্যা সমূহ ১৭ অক্টোবৰ তাৰিখৰ ভিতৰত সমাধান কৰা , আৰু চহৰ খনৰ পৰিষ্কাৰ ১৮ অক্টোবৰ পুৱা ৬ বজাৰ আগতে আৰম্ভ কৰা । লগতে তেওঁ ২০ দিনৰ সময় সীমা বান্ধি দিয়ে । এই সময় সীমাৰ ভিতৰত নগৰ পালিকাৰ অন্তৰ্গত অঞ্চল সমূহৰ জাবৰ প্ৰতিদিনেই সংগ্ৰহ কৰিব লাগিব ।
ডিব্ৰুগড় নগৰপালিকা বোৰ্ডে প্ৰস্তুত কৰা হিচাপত ঘৰে ঘৰে জাবৰ জোথৰ সংগ্ৰহ কৰা পদ্ধতিৰ বাবদ খৰচ হ'ব ১৩ লাখ টকা । জিলা উপায়ুক্ত গৰাকীয়ে অতিৰিক্ত জিলা উপায়ুক্ত , ডিব্ৰুগড় নগৰপালিকা বোৰ্ডৰ কাৰ্যবাহী বিষয়া ৰঞ্জিত কনোৱাৰক শ্ৰমিকৰ লগতে বাহন , যন্ত্ৰ পাতিৰ লগতে আন প্ৰয়োজনীয় বস্তু সমূহৰ মূল্য নিৰ্নয় কৰিবলৈ নিৰ্দেশ দিয়ে । প্ৰকল্পটোৰ বাবে প্ৰয়োজনীয় পূজি ইতিমধ্যে ডিব্ৰুগড় নগৰপালিকা বোৰ্ডত উপলব্ধ আছে ।
জাহাই ডিব্ৰুগড় নগৰপালিকা বোৰ্ডৰ হিচাপৰক্ষকক বৃহস্পতিবাৰ সন্ধিয়া ৬ বজাৰ ভিতৰত আবন্তন কৰা পূজিৰ হিচাপ দিবলৈ নিৰ্দেশ দিয়ে । এই বৈঠকত জাহাই ১০০ দিনৰ এক সময় সীমা বান্ধি দিছে । এই ১০০ দিনৰ ভিতৰত ডিব্ৰুগড় নগৰপালিকা বোৰ্ডক চহৰখন পৰিষ্কাৰ কৰিবলৈ নিৰ্দেশ দিয়ে ।
