প্ৰাক্তন ৰঙাপৰাৰ বিধায়ক আৰু জিলা মুখপাত্ৰ ভূমিধৰ তাঁতীয়ে ৰঙাপৰা অ চি দিলিপ কুমাৰ বৰা আৰু ১১ জন আৰক্ষী কনিষ্টবলৰ বিৰুদ্ধে তৰা গোচৰ বৰ্তমানে মীমাংসা হোৱা নাই বুলি প্ৰকাশ কৰে ।
প্ৰাক্তন বিধায়ক আৰু শোণিতপুৰ জিলা কংগ্ৰেছৰ সভাপতি গৰাকীয়ে ১৩ এপ্ৰিলত আৰক্ষীয়ে তেওঁৰ অনুপস্থিতিত অনুসন্ধান কৰাৰ বিৰুদ্ধে তৰা গোচৰ বৰ্তমানেও সমাধান হোৱা নাই । তাঁতীয়ে প্ৰকাশ কৰে যে তেওঁ ১৭ এপ্ৰিলত তেজপুৰৰ এচ পি কাৰ্যালয় আৰু নিৰ্বাচনী আয়োগত এক অভিযোগ দাখিল কৰিছিল । এই ঘটনাত তীব্ৰ অসন্তুষ্টি ব্যক্ত কৰে ভূমিধৰ তাঁতীয়ে । এই ঘটনাই মানসিক চাপৰ সৃষ্টি কৰাৰ লগতে তেওঁ পৰিচয়তো আঘাত হানে বুলি প্ৰকাশ কৰে।
ভূমিধৰ তাঁতীয়ে তেওঁৰ গোচৰটোত গুৰুত্ব প্ৰদান কৰিবলৈ কৰ্তৃপক্ষক আহ্বান জনাইছে অন্যথা ন্যায়ৰ বাবে ন্যায়ালয়ৰ কাষ চপাৰ কথা প্ৰকাশ কৰে । প্ৰথম পৰ্যায় লোকসভা নিৰ্বাচন অন্ত পৰাৰ পাছত ১৩ এপ্ৰিলত অ চি দিলিপ কুমাৰ বৰাৰ সৈতে ১১ জন আৰক্ষী বিষয়া সহ ভূমিধৰ তাঁতীৰ ৰঙাপৰাৰ নামনিগাঁওস্থিত বাসগৃহত তেওঁ নথকা অবস্থাত অনুসন্ধান চলাইছিল । এই ঘটনাৰ বিৰুদ্ধে অভিযোগ দাখিল কৰে প্ৰাক্তন বিধায়ক গৰাকীয়ে ।
অন্য খবৰৰ বাবে পঢ়ক :ৰাজ্যিক বাতৰি
