![জি-২০ৰ বৈঠকৰ পিছত ৪ ফেব্ৰুৱাৰীত কাজিৰঙা ৰাষ্ট্ৰীয় উদ্যানত জীপ ছাফাৰী নিষিদ্ধ](http://media.assettype.com/assamese-sentinelassam%2Fimport%2Fh-upload%2F2023%2F01%2F20%2F431910-capture3.webp?w=480&auto=format%2Ccompress&fit=max)
গুৱাহাটী : জি-২০ৰ প্ৰতিনিধিৰ বাবে ৪ ফেব্ৰুৱাৰীত অসমৰ কাজিৰঙা ৰাষ্ট্ৰীয় উদ্যানত জীপ ছাফাৰীত নিষেধাজ্ঞা আৰোপ কৰা হৈছে। অসমৰ বন বিভাগে ১৯ জানুৱাৰীত এই ঘোষণা কৰিছিল। বন বিভাগে প্ৰকাশ কৰা বিবৃতি অনুসৰি কাজিৰঙা ৰাষ্ট্ৰীয় উদ্যানৰ বাগৰি আৰু আগৰাতলি ৰেঞ্জত সাধাৰণ ৰাইজৰ বাবে জীপ ছাফাৰী স্থগিত ৰখা হ'ব
পূৱ অসম বন্যপ্ৰাণী সংমণ্ডলৰ বন বিষয়াই দিয়া জাননীত, ২০২৩ চনৰ ৪ ফেব্ৰুৱাৰীত জি-২০ প্ৰতিনিধিৰ কেএনপি ভ্ৰমণৰ কথা উল্লেখ কৰা হৈছে।কিন্তু উল্লেখিত তাৰিখৰ বাবে দুয়োটা ৰেঞ্জতে হাতী ছাফাৰী চলি থাকিব বুলি জাননীত উল্লেখ কৰা হৈছে।অসমৰ মুখ্যমন্ত্রী হিমন্ত বিশ্ব শর্মাই যোৱা ৪ জানুৱাৰীত কেবিনেট মন্ত্ৰীসকলৰ সৈতে এখন বৈঠকত মিলিত হৈ কার্যসূচীৰ সুচাৰুৰূপে সঞ্চালন কৰাৰ লক্ষ্যৰে নির্দিষ্ট নির্দেশনা সম্পর্কে আলোচনা কৰে৷ ইয়াত উল্লেখযোগ্য যে, অসমে ২০২৩ চনত পাঁচখন জি-২০ বৈঠকক আদৰি ল'বলৈ আৰু আয়োজন কৰিবলৈ সাজু হৈছে৷
কাজিৰঙা ৰাষ্ট্ৰীয় উদ্যানৰ বাগৰি আৰু আগোৰাতোলি ৰেঞ্জত সাধাৰণ জনতাৰ বাবে জীপ ছাফাৰী স্থগিত ৰখা হ'ব।