![অসম: চৰকাৰী চিকিৎসা মহাবিদ্যালয়ৰ অনুষদৰ সদস্যসকলৰ অৱসৰৰ বয়স বৃদ্ধি কৰা হ'ব ৭০ বছৰলৈ](http://media.assettype.com/assamese-sentinelassam%2Fimport%2Fh-upload%2F2022%2F08%2F20%2F376661-376645-132124-854596-doctor-istock.webp?w=480&auto=format%2Ccompress&fit=max)
গুৱাহাটীঃ অসম কেবিনেটে স্বাস্থ্য, শক্তি, পৰ্যটন, ৰাজহ আৰু পৰিবহন বিভাগসন্দৰ্ভত কিছুমান গুৰুত্বপূৰ্ণ সিদ্ধান্ত গ্ৰহণ কৰিছে।
শুকুৰবাৰে এক বৈঠকত কেবিনেটে ৰাজ্যখনৰ বিভিন্ন চিকিৎসা মহাবিদ্যালয়ৰ অধ্যাপকসকলৰ অৱসৰৰ বয়স ৬৫ বছৰৰ পৰা ৭০ বছৰলৈ বৃদ্ধি কৰাৰ সিদ্ধান্ত লয় বুলি তথ্য আৰু জনসম্পৰ্ক মন্ত্ৰী পিজুশ হাজৰিকাই জানিবলৈ দিয়ে।
তেওঁ কয় যে প্ৰতি বছৰে ৰাজ্যখনৰ চিকিৎসা মহাবিদ্যালয়সমূহৰ পৰা প্ৰায় ১,১০০ জন চিকিৎসক উত্তীৰ্ণ হয়, যি চাহিদা পূৰণৰ বাবে পৰ্যাপ্ত নহয়।
চিকিৎসা মহাবিদ্যালয়ৰ অধ্যাপকসকলৰ অৱসৰ বৃদ্ধিৰ সিদ্ধান্ত এই সন্দৰ্ভত লোৱা হৈছে। কেবিনেটে লগতে ঔষধ ক্ৰয়ৰ বাবে স্বাস্থ্য বিভাগক ১৩৬ কোটি টকাঅনুমোদন জনাইছে।
টুইটাৰযোগে মুখ্যমন্ত্ৰী হিমন্ত বিশ্ব শৰ্মাই লিখিছে, "#AssamCabinet আমি চিকিৎসা মহাবিদ্যালয়ৰ শিক্ষকসকলৰ অৱসৰ, প্ৰাক্তন এইচপিচি কৰ্মীসকলক পুনৰ নিযুক্তি, চৰকাৰী চিকিৎসালয়ৰ বাবে ঔষধ, ভূমি ৰেকৰ্ড কৰ্মচাৰীৰ সেৱা নিয়ম, স্বয়ংক্ৰিয় বাহন পৰীক্ষা কেন্দ্ৰ, সৌৰ শক্তি প্ৰকল্প আদি সন্দৰ্ভত কেইবাটাও গুৰুত্বপূৰ্ণ সিদ্ধান্ত লৈছো।"
কেবিনেটে হিন্দুস্তান পেপাৰ কৰ্পোৰেচন (এইচপিচি) লিমিটেডৰ ৬৬ জন প্ৰাক্তন কৰ্মচাৰী বা কৰ্মীক উচ্চ বয়সৰ সীমাত শিথিলতাৰ সৈতে এক বিশেষ নিযুক্তি অভিযানৰ জৰিয়তে খালী গ্ৰেড ৩ আৰু চতুৰ্থ পদত পুনৰ নিযুক্তি দিয়াৰ সিদ্ধান্ত লয়।