এক বিশেষ অভিযানৰ যোগেদি চৰাইদেও আৰক্ষীয়ে আৰু ভাৰতীয় আৰ্মী(চিআৰপিএফ)ৰ যুটীয়া অভিযানত যোৱা দেওবাৰে নিশা সোনাৰি আৰক্ষী থানাৰ অন্তৰ্গত অসম-নগালেণ্ড সীমান্তৰ ওচৰ নামতোলা এলেকাৰ পৰা এজন আন্তঃৰাষ্ট্ৰীয় ড্ৰাগছ ব্যৱসায়ীক গ্ৰেপ্তাৰ কৰে । কোনো গোপন তথ্যৰ সহায়ত খবৰ পোৱা অনুসৰি আৰক্ষীয়ে এজন যুৱকক নগালেণ্ডৰ পৰা আৰু দগৰাকী মহিলাক সোনাৰিৰ নামতোলাৰ পৰা আটক কৰে । আটক কৰা কেইগৰাকী চিনাক্ত কৰা অনুসৰি ক্ৰমে; পাংচুৱা কন্যাক(২৫), লীলা দত্ত(৫১),শ্ৰী কুমাৰী দত্ত(২৬) আৰু দুজন সন্দেহকাৰী ব্যক্তি ৰানা দত্ত আৰু বিমল দত্ত বৰ্তমান পলাতক ।
অভিযানকাৰী দলটোৱে ড্ৰাগছ ব্যৱসায়ীৰ পৰা ১০০গ্ৰাম ব্ৰাউন চুগাৰ,৭০০কেজিৰ গাঞ্জাৰ সৈতে ৪.৬৮ লাখ নগদ ধন জব্দ কৰে । ঘটনাটি ২২/১৮ তাৰিখে সোনাৰি সদৰ থানাত পঞ্জীয়ন কৰা হয় ।
