প্ৰথম পৰ্যায়ৰ ভোট গ্ৰহণৰ বাবে ইতিমধ্যে মনোনয়ন পত্ৰ দাখিলৰ প্ৰক্ৰিয়া আৰম্ভ| আগন্তুক লোকসভা নিৰ্বাচনৰ বাবে ইতিমধ্যে ৰাজনৈতিক দল সমুহৰ মাজত তৎপৰতা বৃদ্ধি পাইছে। ৰাজ্যত ১১ এপ্ৰিলত অনুষ্ঠিত হব লগা প্ৰথম পৰ্যায় নিৰ্বাচনৰ বাবে মনোনয়ন দাখিলৰ প্ৰক্ৰিয়া ইতিমধ্যে আৰম্ভ হৈছে । মনোনয়ন পত্ৰ দাখিলৰ সমান্তৰালকৈ প্ৰাৰ্থী সকলে নিৰ্বাচনী প্ৰচাৰো আৰম্ভ কৰিছে। সকলো ৰাজনৈতিক দলে বৰ্তমানলৈকে তেওঁলোকৰ চুৰান্ত প্ৰাৰ্থীৰ তালিকা প্ৰকাশ কৰা নাই । কংগ্ৰেছে ইতিমধ্যে ১০ টা সমষ্টিৰ প্ৰাৰ্থীৰ তালিকা প্ৰকাশ কৰিছে ।
লোকসভা নিৰ্বাচনত লক্ষিমপুৰৰ কংগ্ৰেছৰ প্ৰাৰ্থী অনিল বৰগোহাঞিয়ে বুধবাৰে মনোনয়ন পত্ৰ দাখিল কৰে । প্ৰথম পৰ্যায়ত অনুষ্ঠিত হব লগা নিৰ্বাচনৰ বাবে মনোনয়ন পত্ৰ দাখিলৰ অন্তিম দিন হ'ল ২৫ মাৰ্চ ।
কংগ্ৰেছে ইতিমধ্যে ১০ টা সমষ্টিৰ প্ৰাৰ্থীৰ তালিকা প্ৰকাশ কৰিছে । অগপয়ে দুই এদিনৰ ভিতৰতে প্ৰাৰ্থীৰ তালিকা প্ৰকাশ কৰিব বুলি প্ৰকাশ কৰে ।
কংগ্ৰেছে তালিকা প্ৰকাশ কৰাৰ পিছতে ইতিমধ্যে প্ৰাৰ্থীৰ হৈ নিৰ্বাচনী প্ৰচাৰ আৰম্ভ কৰিছে । বুধবাৰে নগাঁওত কংগ্ৰেছৰ প্ৰাৰ্থী প্ৰদ্যুত বৰদলৈয়ে নিৰ্বাচনী প্ৰচাৰ চলাই । এই অনুষ্ঠানতে বিধায়ক ৰকিবুল হুছেইনে এইবাৰ নগাঁও সমষ্টিত কংগ্ৰেছে জয় হব বুলি প্ৰকাশ কৰে ।
যোৰহাটত কংগ্ৰেছে সুশান্ত বৰগোহাঞিক প্ৰাৰ্থীত্ব প্ৰদান কৰিছে । সুশান্ত বৰগোহাঞিয়ে ইতিমধ্যে নিৰ্বাচনী প্ৰচাৰৰ আৰম্ভ কৰে নিজৰ সমষ্টিত ।
অসমত তিনিটা পৰ্যায়ত লোকসভা নিৰ্বাচন অনুষ্ঠিত হব । ১১, ১৮ আৰু ২৩ এপ্ৰিলত অনুষ্ঠিত হব ভোট গ্ৰহণ । ২৩ মে নিৰ্বাচনী ফলাফল ঘোষণা কৰা হব ।
অধিক খবৰৰ বাবে পঢ়ক : ৰাজ্যিক বাতৰি
