চাহ জনগোষ্ঠীৰ জনপ্ৰিয় শিল্পী ৰাম চাচনী আৰু শিৱচৰণ দাসলৈ অসম চৰকাৰে ২০১৯ চনৰ চেনিৰাম কুৰ্মী বঁটা আগবঢ়াইছে । চাহ জনজাতি কল্যান বিভাগৰ মন্ত্ৰী পল্লব লোচন দাসে সংবাদমেলৰ জৰিয়তে দুয়োজন চাহ জনগোষ্ঠীৰ শিল্পীলৈ চেনিৰাম কুৰ্মী বঁটা আগবঢ়োৱাৰ কথা প্ৰকাশ কৰে ।
চাহ জনজাতি কল্যান বিভাগৰ উদ্যোগত ২১ৰপৰা ২৩ ফেব্ৰুৱাৰীলৈ ডিব্ৰুগড়ৰ চৌকিডিঙী খেলপথাৰত অনুষ্ঠিত হ'বলগীয়া চাহ জনজাতি সাংস্কৃতিক সমাৰোহত মুখ্যমন্ত্ৰী সৰ্বানন্দ সোনোৱাল এই বঁটা আনুষ্ঠানিক ভাৱে প্ৰদান কৰিব । বঁটাত থাকিব ৩ লাখকৈ টকা, তাম্ৰপত্ৰ, শৰাই আৰু অংগবস্ত্ৰ। সমাৰোহত প্ৰায় ৫০০ শিল্পীয়ে ঝুমুৰ নৃত্য পৰিবেশন কৰিব । বহুতো শিল্পীয়ে অংশগ্ৰহন কৰিব আৰু ৰাজ্যৰ বিভিন্ন লোকনৃত্য পৰিবেশ কৰিব বুলি প্ৰকাশ কৰে মন্ত্ৰী পল্লব লোচন দাসে।
