মৃত স্বামীৰ ভস্মৰ স্বাদ নোলোৱাকৈ থাকিব নোৱৰা এগৰাকী মহিলাঃ হতবাক বহুজন

কেছী নামৰ এগৰাকী ব্ৰিটিছ মহিলাই তেওঁৰ মৃত স্বামীৰ ভস্মৰ স্বাদ নোলোৱাকৈ থাকিব নোৱাৰে ৷ ২৬ বছৰীয়া মহিলাগৰাকীৰ বাবে ই এটা আসক্তিত পৰিণত হৈছে ৷ এই কথা তেওঁ নিজৰ পৰিয়ালৰ সদস্যৰ আগত ব্যক্ত কৰাৰ পাচত সকলো হতবাক হৈ পৰিছে ৷ মহিলাগৰাকীয়ে এনে অস্বাভাৱিক আসক্তিৰ বাবে টি এল চিৰ " মাই ষ্ট্ৰেঞ্জ এডিকচন" শীৰ্ষক দৰ্শনীত ভূমুকি মাৰিছে ৷

উল্লেখ্য যে ২০০৯ত কেছী ছীন নামৰ লোকজনৰ সৈতে বিবাহপাশত আৱদ্ধ হয় ৷ ছীনৰ এজমা ৰোগত অকালতে মৃত্যু হয় ৷ তাৰ পাছৰে পৰা কেছীয়ে তেওঁৰ স্বামীৰ ভস্ম অনবৰতে নিজৰ লগত ৰাখে ৷

মাজে-সময়ে তেওঁৰ এই ভস্মৰ স্বাদ লয়। এই কথা পৰিয়ালৰ লোকক অৱগল কৰাৰ লগে লগে তেওঁলোক হতবাক হৈ পৰে ৷ তেওঁৰ পৰিয়াল আৰু বন্ধুবৰ্গসহ বহুজনে ধাৰণা কৰিছে যে মহিলাগৰাকী কোনো জটিল মানসিক ৰোগত আক্ৰান্ত ৷ " মই য'লৈকে নাযাওঁ কিয়, মই মোৰ স্বামীৰ ভস্ম লৈ যাওঁ ৷ কাৰণ মই তেওঁৰ ভস্মৰ স্বাদ গ্ৰহণ নকৰাকৈ থাকিব নোৱাৰো,'' কেছীয়ে এইদৰে কয় ৷

আৰু পঢ়িব পাৰেঃ "ধক্কড়"ৰ মুক্তিৰ দিন ঘোষণা অভিনেত্ৰী কংগণা ৰাণাৱটৰ