সুস্থ হ'লঃ পুনৰ কৰ্তব্যত যোগদান ২০গৰাকী ক'ৰ'নাত আক্ৰান্ত আৰক্ষীৰ

তেওঁৰ পত্নীৰ শৰীৰতো ক’ৰ’না ভাইৰাছৰ উপস্থিতি ধৰা পৰিছে।
সুস্থ হ'লঃ পুনৰ কৰ্তব্যত যোগদান ২০গৰাকী ক'ৰ'নাত আক্ৰান্ত আৰক্ষীৰ

সুস্থ হৈ পুনৰ কৰ্তব্যত যোগদান কৰিছে অসম আৰক্ষীৰ ২০গৰাকী ক'ৰ'না মহামাৰীত আক্ৰান্ত বিষয়া-কনিষ্টবলে। অসম আৰক্ষীৰ অতিৰিক্ত সঞ্চালক প্ৰধান(আইন-শৃংখলা)জি পি সিঙে এই তথ্য সদৰী কৰি টুইটাৰত কয় যে আজিলৈকে ক'ৰ'না মহামাৰীত ৭২৬গৰাকী বিষয়া-কনিষ্টবল আক্ৰান্ত হৈছে।ইয়াৰে ৩৫০গৰাকী সুস্থ হৈছে।আনহাতে, এজনৰ মৃত্যু হৈছে। এ ডি জি পি সিঙে প্ৰকাশ কৰা অনুসৰি ৭৭৮গৰাকী আৰক্ষী বিষয়া-কনিষ্টবল কোৱাৰেণ্টিনত আছে। সুস্থ হোৱাত পুনৰ ২০গৰাকীয়ে কৰ্তব্যত যোগদান কৰিলে বুলি তেওঁ সদৰী কৰিছে।

ইপিনে, গুৱাহাটীৰ বশিষ্ট আৰক্ষী থানাত নিয়োজিত দ্বিগজ্যোতি ইংতি নামৰ এজন উপ-পৰিদৰ্শক ক'ৰ'না মহামাৰীত আক্ৰান্ত হোৱাৰ তথ্য পোৱা গৈছে।তেওঁৰ পত্নীৰ শৰীৰতো ক'ৰ'না ভাইৰাছৰ উপস্থিতি ধৰা পৰিছে। ক'ৰ'না পজিটিভ হোৱাৰ লগে লগে উপ-পৰিদৰ্শক ইংতিক সোণাপুৰৰ ক'ৱিড-১৯ হাস্পতাললৈ প্ৰেৰণ কৰা হৈছে। বিগত কিছুদিন ধৰি তেওঁ জ্বৰ আৰু মূৰৰ বিষত আক্ৰান্ত আছিল।  সেয়েহে তেওঁ নমুনা পৰীক্ষা কৰোৱায়।

Related Stories

No stories found.
logo
Sentinel Assam - Assamese
assamese.sentinelassam.com