গুৱাহাটীঃ জনসংখ্যা সমাধন ফাউণ্ডেশ্যন (জে এছ এফ) অসমৰ উদ্যোগত দেওবাৰে শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী মাধৱদেৱ আন্তঃৰাষ্ট্ৰীয় প্ৰেক্ষাগৃহত এখন ' সজাগতা সভা'ৰ আয়োজন কৰা হয়। জে এছ এফ অসম প্ৰদেশৰ সভাপতি পংকজ তালুকদাৰৰ সভাপতিত্বত অনুষ্ঠিত সভাখন। এই বৈঠকত জে এছ এফৰ ৰাষ্ট্ৰীয় সভাপতি অনিল চৌধুৰী আৰু ৰাষ্ট্ৰীয় সমন্বয়ক মমতা চেহগালে মুখ্য ভাষণ প্ৰদান কৰে।
সভাত জে এছ এফৰ ৰাষ্ট্ৰীয় মহিলা বাহিনীৰ হৈ ৰাষ্ট্ৰীয় জে এছ এফৰ কাৰ্যবাহী সম্পাদক নাং লাকী গগৈ, উপ-সভাপতি ৰুবী সিং, সমন্বয়ক ৰূপৰেখা গোস্বামী আৰু সম্পাদিকা মঞ্জিৰা ডেকা উপস্থিত থাকে। সভাত জে এছ এফ অসমৰ সমন্বয়ক ড০ মনোৰঞ্জন কলিতা, সংগঠন সম্পাদক মৃণাল গোস্বামী আৰু মহিলা শক্তি সংগঠনৰ সম্পাদক চন্দ বিশ্বাসে আঁত ধৰে।এই উপলক্ষে জে এছ এফৰ ৰাষ্ট্ৰীয় সভাপতি অনিল চৌধুৰীয়ে কয়, "ভৱিষ্যৎ প্ৰজন্মৰ জীৱিকাৰ সুৰক্ষা আৰু দেশৰ ঐক্য নিশ্চিত কৰিবলৈ দেশত জনসংখ্যা নিয়ন্ত্ৰণৰ কঠোৰ আইনৰ বিকল্প নাই, জনসংখ্যা আইন এখনে চৰকাৰক নিয়ন্ত্ৰণৰ অধিকাৰ প্ৰদান কৰে।" দেশৰ জনসংখ্যা নিয়ন্ত্ৰণ দেশৰ কাৰণে গুৰুত্বপূৰ্ণ।
