গুৱাহাটীঃ ৰাজ্য চৰকাৰে পূর্বে গঠন কৰা এখন কমিটী - আৰ টি জিন্দাল কমিটীয়ে অসমৰ বিভিন্ন জিলাত অতিৰিক্ত ইণ্ডিয়ান মেড ফৰেইন লিকুৰ (আই এম এফ এল) খুচুৰা বিপণী খোলাৰ বাবে অনুজ্ঞাপত্ৰ প্রদানৰ পৰিসৰ আছে বুলি পৰামৰ্শ দিছে, আৰু ইয়াৰ ফলত এক নতুন বাট মুকলি হৈছে৷ প্ৰায় ৬০০খন নতুন 'ৱাইন শ্বপ'ৰ বাবে। জনসংখ্যা বৃদ্ধি, চহৰৰ জনসংখ্যা বৃদ্ধি, উদ্যোগ সম্প্ৰসাৰণ, নতুন জিলা সৃষ্টি, পৰ্যটকৰ আগমন বৃদ্ধি ইত্যাদি কাৰকসমূহৰ প্ৰতি লক্ষ্য ৰাখি জিন্দাল কমিটীয়ে এই পৰামৰ্শ আগবঢ়াইছে।
জিন্দাল কমিটীৰ পৰামৰ্শৰ ভিত্তিত ৰাজ্যৰ আবকাৰী বিভাগে নিজ নিজ জিলাত খোলা হ'ব পৰা নতুন আই এম এফ এল খুচুৰা দোকানৰ সংখ্যা সন্দৰ্ভত বিভিন্ন জিলা প্ৰশাসনৰ পৰা তথ্য বিচাৰিছিল। সংশ্লিষ্ট প্ৰতিবেদনসমূহে সমগ্ৰ অসমতে আই এম এফ এলৰ নতুন খুচুৰা বিপণী খোলাৰ বাবে প্ৰায় ৬০০টা নতুন স্থান চিনাক্ত কৰিছে।
