১২ মে’ত অসমৰ শপত গ্ৰহণ অনুষ্ঠানত অংশগ্ৰহণ কৰিব প্ৰধানমন্ত্ৰী মোডী, ২০ গৰাকী মুখ্যমন্ত্ৰী

গুৱাহাটী: প্ৰধানমন্ত্ৰী নৰেন্দ্ৰ মোদী আৰু ২০ খন ৰাজ্যৰ মুখ্যমন্ত্ৰীসকলে ১২ মে’ত গুৱাহাটীত অনুষ্ঠিত হ’বলগীয়া শপতগ্ৰহণ অনুষ্ঠানত অংশগ্ৰহণ কৰিব।

কাৰ্য্যবাহী মুখ্যমন্ত্ৰী ড° হিমন্ত বিশ্ব শৰ্মাই জনাইছে যে ১২ মে’ৰ পুৱা ১১ বজাৰ পৰা শপতগ্ৰহণ অনুষ্ঠান আৰম্ভ হ’ব।

ইয়াৰ আগতে, ১০ মে’ত BJP বিধায়ক দলৰ (BJPLP) বৈঠক অনুষ্ঠিত হ’ব, য’ত কেন্দ্ৰীয় পৰ্যবেক্ষক হিচাপে কেন্দ্ৰীয় স্বাস্থ্য মন্ত্ৰী জে.পি. নাড্ডা আৰু হাৰিয়ানাৰ মুখ্যমন্ত্ৰী নায়ব সিং চাইনিৰ উপস্থিতিত BJPLP নেতা নিৰ্বাচন কৰা হ’ব। BJPLP বৈঠকৰ লগে লগে NDA বিধায়কসকলৰ বৈঠক অনুষ্ঠিত হ’ব আৰু সেই বৈঠকত নেতা নিৰ্বাচন কৰা হ’ব। এই বৈঠকৰ পিছতে NDA বিধায়কসকলে ৰাজ্যপালৰ সৈতে সাক্ষাৎ কৰি চৰকাৰ গঠনৰ অনুমতি বিচাৰিব।

ড° শৰ্মাই জনাইছে যে দেশৰ বহু উদ্যোগপতি, অসমৰ সত্ৰাধিকাৰ, BJP বুথ কমিটি সভাপতি, গাঁও পঞ্চায়ত সভাপতি আদি শপতগ্ৰহণ অনুষ্ঠানলৈ আমন্ত্ৰণ কৰা হ’ব। অনুষ্ঠানটো খানাপাৰাস্থিত পশু চিকিৎসা মহাবিদ্যালয়ৰ খেলপথাৰত অনুষ্ঠিত হ’ব।

অধিক পঢ়ক - আগন্তুক ৰাজ্য বিধানসভাত সুষম জাতিগত প্ৰতিনিধিত্বৰ আহ্বান