এখন দেশ, য'ত চছমা পিন্ধি কাম কৰিব নোৱাৰে মহিলাই ,ক'ত এই দেশ খন? ।বহু সময়ত কাৰ্যালয়ত কম্পিউটাৰত কাম কৰা লোক সকলে চছমা পৰিধান কৰা দেখা কৰা দেখা যায় । কম্পিউটাৰত বেছি সময় কাম কৰা লোক সকলে প্ৰায়ে চকুৰ ৰোগত ভুগা দেখা যায় । কিন্তু এনেকুৱা এখন দেশ আছে য'ত বিভিন্ন কোম্পানীত কাম কৰা মহিলা সকলে চছমা পৰিধান কৰাৰ ক্ষেত্ৰত বাধা প্ৰদান কৰা হৈছে । লগতে ইয়াৰ আঁৰত আছে বিশেষ কাৰণ ।
তথ্য অনুসৰি জানিব পৰা মতে এই নীতি প্ৰযোজ্য কৰা হৈছে জাপানত । জাপানৰ কাৰ্যালয় সমূহত কৰ্মৰত মহিলাই পৰিধান কৰিব নোৱাৰে চছমা । কিন্তু পুৰুষ কৰ্মচাৰী সকলৰ ক্ষেত্ৰত এনেধৰণৰ কোনো নীতি প্ৰযোজ্য হোৱা নাই । নিয়মানুসাৰে জাপানত এয়াৰ লাইনৰ পৰা আৰম্ভ কৰি ৰেষ্ট'ৰেন্ট আদিত কৰ্মৰত কোনো মহিলাই পৰিধান কৰিব নোৱাৰে চছমা।
জানিব পৰা মতে জাপানৰ এটা কোমপানীৰ মহিলা সকলক প্ৰসাধন কৰি কাৰ্যলয়লৈ আহিবলৈ কৈছে । ইয়াৰোপৰি কোম্পানীৰ মহিলা সকলক নিজৰ ওজন কম কৰাৰ বাবেও নিৰ্দেশ দিছে জাপানৰ কোম্পানী সমূহে । তেওঁলোকৰ মতে কোম্পানীত কাম কৰা মহিলা সকলে চছমা পিন্ধি আহিলে তেওঁলোকৰ সৌন্দৰ্য্যতা প্ৰভাৱ পৰে । যাৰ ফলত ইয়াৰ প্ৰভাৱ গ্ৰাহক সকলৰ ওপৰতো পৰে আৰু তাৰ ফলত কোম্পানীৰ আয়ৰ ক্ষেত্ৰত ক্ষতি সাধন হয় ।
জাপানৰ মহিলা সকলে কোম্পানীৰ এনেধৰণৰ কিছু আজৱ নিয়মৰ বিৰোধীতা কৰাৰ বাতৰিও আহিছে ।
সূত্ৰই জনোৱা অনুসৰি এনেকুৱা নহয় যে জাপানত প্ৰথম বাৰৰ বাবে এনে ধৰনৰ কিছুমান আজৱ নিয়ম প্ৰযোজ্য কৰিছে । ইয়াৰ আগতেও বহুবাৰ জাপানত কিছুমান পৃথক নিয়মৰ ব্যৱস্থা কৰা দেখা যায়। কিছুদিন পূৰ্বে জাপানৰ মহিলা কৰ্মচাৰী সকলে কৰ্মৰত অৱস্থাত হাই হিল পিন্ধাটো অনিবাৰ্য আছিল । জাপানৰ মহিলা কৰ্মচাৰী সকলে এই নিয়মৰ ওপৰতো তীব্ৰ বিৰোধীতা কৰিছিল । তাৰ পিছতেই জাপানৰ শ্ৰম মন্ত্ৰনালয়ে এই ধৰণৰ কিছুমান আজৱ নিয়মৰ ওপৰত প্ৰতিবন্ধকতা আৰোপ কৰিছিল ।
অন্য খবৰৰ বাবে পঢ়ক: কুকিল কন্ঠী লতা মংগেশকাৰ অসুস্হ, পূৰ্বতকৈ স্বাস্থ্যৰ কিছু উন্নতি
ভিডিঅ প্ৰতক্ষ্য কৰক: Bodoland International Paragliding Accuracy Championship begins