ভাতৃৰ ভয়াবহ পথ দুৰ্ঘটনাৰ পাছত ককায়েকে পথ সুৰক্ষা ব্যৱস্থাৰ বাবে ব্যয় কৰিলে ১৫ লাখ টকা । ২০১২ চনৰ ২২ ডিচেম্বৰত তন্ময় পেনদেচৰ ভাতৃ অক্ষয় পেনদেচ, তেওঁৰ দুবছৰীয়া পুত্ৰ আৰু জেষ্ঠ অভিনেতা আনন্দ অভ্যায়ঙৰ পুনে-মুম্বাই এক্সপ্ৰেছৱেত ভয়াবহ দুৰ্ঘটনাৰ সন্মুখীন হৈছিল । বিপৰীত দিশৰ পৰা দ্ৰুত গতিত আহা ট্ৰাক এখনে ভূল দিশৰ পৰা আহি খুন্দিয়াই দিছিল । এই ভয়াবহ দুৰ্ঘটনাত সকলো থিতাতে নিহত হৈছিল ।
মৰমৰ ভাতৃ আৰু তেওঁৰ পৰিয়ালক হেৰুৱাই দুখত ভাগি পৰিছিল ককায়েক। এই ঘটনায়ে পুনে এই জন যুৱকৰ জীৱন সলনি কৰি দিছিল । পথৰ সুৰক্ষা ব্যৱস্থা, আন্তঃগাঁথনি আৰু চলাচল কৰা নীতিৰ ওপৰত অভিযোগ দাখিল কৰাৰ পৰিবৰ্তে পথৰ সুৰক্ষা ব্যৱস্থাৰ বাবে নিজে ব্যবস্থা গ্ৰহণ কৰে ।
যোৱা ৬ বছৰত এক্সপ্ৰেছৱে নিৰ্মাণ পক্ৰিয়াত প্ৰায় ১৫ লাখতকৈও অধিক ব্যয় কৰিছে । পথ নিৰ্মাণৰ কৰ্তৃপক্ষৰ সৈতে সফলতাৰে পথ নিৰ্মাণ কৰা হৈছে। এই পদক্ষেপৰ পাছতে প্ৰত্যেক বছৰে দুৰ্ঘটনাৰ সংখ্যা যথেষ্ট হ্ৰাস পাইছে ।
এই সন্দৰ্ভত তন্ময়ে প্ৰকাশ কৰে যে, মোৰ ভতিজা আৰু ভাতৃ দুৰ্ঘটনাত নিহত হোৱাৰ পাছত আন সকলোৰে দৰে চৰকাৰক যথেষ্ট সমালোচনা কৰিছিলো। তাৰ পাছতে সমস্যাৰ সমাধানৰ কথা চিন্তা কৰে । সেয়েহে এই পদক্ষেপ গ্ৰহণ কৰে বুলি প্ৰকাশ কৰে ।
১৮ মাহতকৈ অধিক সময়ত তেওঁ যথেষ্ট পথ সুৰক্ষা ব্যৱস্থাৰ বিশেষজ্ঞক লগ কৰিছিল । লগতে বহুতো ৰাজনৈতিক নেতা, আৰক্ষী বিষয়াক লগ কৰি আলোচনা কৰিছিল । আনহাতে এক্সপ্ৰেছৱেত ১০০০ বাৰৰো অধিকবাৰ নিজে গৈছিল। তাৰ পিছত প্ৰায় ২০০ পৃষ্ঠাজোৰা ৰিপোৰ্ট তৈয়াৰ কৰিছে । বিভিন্ন ৰাষ্ট্ৰীয় - আন্তঃৰাষ্ট্ৰীয় প্ৰজেক্টৰ ৰিপোৰ্ট অধ্যয়ন কৰি এই ৰিপোৰ্ট তৈয়াৰ কৰিছিল । তন্ময়ৰ এই পদক্ষেপক সকলোৱে আদৰণি জনাই প্ৰশংসা কৰিছে ।
অন্য খবৰৰ বাবে পঢ়ক : দিল্লীৰ সমিপত যমুনা এক্সপ্ৰেছৱেত ভয়াবহ পথ দুৰ্ঘটনা: ২৯ জন নিহত