মহাৰাষ্ট্ৰৰ ঔৰঙ্গাবাদত সংঘটিত হৈছে এক শিহৰণকাৰী ঘটনা । কিৰিট থোৰে নামৰ এগৰাকী ১৯ বছৰীয়া গৰ্ভৱতী মহিলাক তেওঁৰ ভাতৃয়ে তেওঁৰ মাতৃৰ সৈতে মিলি হত্যা কৰে ।
পৰিয়ালৰ সন্মতি অবিহনে বিয়া হোৱাৰ অভিযোগত সংঘটিত হৈছে এই পাশৱিক ঘটনা ।
হত্যাকাণ্ডটোৰ পিছত, ভাতৃ যাক ১৮ বছৰীয়া সংকেত সঞ্জয় মটে বুলি চিনাক্ত কৰা হৈছে । আৰু মাতৃ যাক ৩৮ বছৰীয়া শোভা সঞ্জয় মটে বুলি চিনাক্ত কৰা হৈছে । ভুক্তভোগীৰ মুৰটো টানি নি চুবুৰীয়াসকলক দেখুৱাইছিল। মাতৃ আৰু ভাতৃয়ে ভুক্তভোগীৰ মূৰৰ সৈতে চেলফিও লৈছিল।
পিছত, অভিযুক্ত দুজনে ভীৰগাঁও আৰক্ষী থানাত আত্মসমৰ্পণ কৰে। তেওঁলোকক এতিয়া আৰক্ষীয়ে গ্ৰেপ্তাৰ কৰিছে।
আৰক্ষীৰ মতে, ঘটনাটো দেওবাৰে সংঘটিত হৈছিল যেতিয়া অভিযুক্ত দুজনে মীমাংসাৰ অজুহাতত ভুক্তভোগীৰ ঘৰলৈ গৈছিল।
অৱশ্যে, সংকেতে তেতিয়া ভুক্তভোগীগৰাকীক পিছফালৰ পৰা আক্ৰমণ কৰিছিল আৰু গৰ্ভৱতী ভগ্নীৰ ডিঙি কাটি দিছিল। স্বামীয়ে উদ্ধাৰ কৰিবলৈ অহাৰ সময়ত, ভুক্তভোগীগৰাকীৰ ভাতৃয়ে গৰ্ভৱতী ভগ্নীৰ শিৰচ্ছেদ কৰিছিল বুলি অভিযোগ কৰা হৈছে, আৰক্ষীয়ে কয় যে স্বামীয়ে নিজৰ ওপৰত আক্ৰমণৰ আশংকা কৰি ঘটনাস্থলীৰ পৰা দৌৰি গৈছিল।
বিষয়াসকলে কৈছিল যে তেওঁৰ পুত্ৰই তেওঁক আক্ৰমণ কৰাৰ লগে লগে মাতৃগৰাকীয়ে মহিলাগৰাকীৰ ভৰিখন ধৰিছিল আৰু ভাতৃয়ে মহিলাগৰাকীৰ মুৰটো কাটি পেলাইছিল।
"মাতৃয়ে এসপ্তাহ আগতে জীয়ৰীক লগ কৰিছিল। ডিচেম্বৰৰ ৫ তাৰিখে,মাতৃয়ে পুনৰ তেওঁৰ পুত্ৰৰ সৈতে আহিছিল।মহিলাগৰাকীয়ে শাহুৱেকৰ সৈতে পথাৰত কাম কৰি আছিল। মাতৃ আৰু ভাতৃক দেখি পথাৰত নিজৰ কাম এৰি তেওঁলোকক সম্ভাষণ জনাবলৈ দৌৰি আহিল। মহিলাগৰাকীয়ে দুয়োকে পানী দিছিল আৰু চাহ বনাবলৈ পাকঘৰলৈ গৈছিল। তেতিয়াই ভাতৃয়ে পিছফালৰ পৰা আহি মহিলাগৰাকীৰ শিৰচ্ছেদ কৰিছিল," এনডিটিভিয়ে এজন আৰক্ষী বিষয়াৰ উদ্ধৃতি দি কয়।
"মহিলাগৰাকীৰ স্বামী, যি অসুস্থ আছিল, ঘৰত শুই আছিল। তেওঁ বাচন পৰি যোৱাৰ শব্দ শুনি সাৰ পাইছিল আৰু পাকঘৰলৈ দৌৰি গৈছিল। মহিলাগৰাকীৰ ভাতৃয়ে তেওঁকো হত্যা কৰিবলৈ চেষ্টা কৰিছিল কিন্তু তেওঁ পলাই গৈছিল। পিছত, দানৱৰূপী ভাতৃয়ে হাতত মহিলাগৰাকীৰ কটা মূৰটো লৈ ঘৰৰ পৰা ওলাই আহিছিল। তাৰ পিছত তেওঁ আৰক্ষী চকীলৈ আহিছিল আৰু আত্মসমৰ্পণ কৰিছিল," বিষয়াজনে লগতে কয়।