অনাগত পাঁচ বছৰৰ কাৰণে ভাৰতৰ পাঁচ ত্ৰিলিয়ন অৰ্থনৈতিক ব্যৱস্থালৈ লক্ষ্য কৰি প্ৰধানমন্ত্ৰী নৰেন্দ্ৰ মোডীয়ে শুক্ৰবাৰে কয় যে ডিজিটেল ক্ষেত্ৰৰ বিকাশ কাৰণে চৰকাৰে পদক্ষেপ ল’ব ৷ লগতে ভাৰতৰ সৰ্বতো প্ৰকাৰৰ বিকাশৰ কাৰণে বিগত সাত দশকত জাপানে অগ্ৰণী ভূমিকা গ্ৰহণ কৰি আহিছে ৷
গতিকে নতুন ভাৰত নিৰ্মাণৰ ক্ষেত্ৰত জাপানৰ ভূমিকাই মুখ্য পদক্ষেপ ল’ব ৷ প্ৰধানমন্ত্ৰী নৰেন্দ্ৰ মোডীয়ে মন্তব্য কৰে যে, কথিত আছে যে আকাশৰ সীমা আছে। কিন্তু এই কথাটো এটা যুগতে সীমাবদ্ধ আছিল ৷ কিন্তু সম্প্ৰতি আকাশৰ সীমা নাই ৷ প্ৰধানমন্ত্ৰী মোডীয়ে জী ২০ শিখৰ সন্মিলনত ভাগ ল’বৰ কাৰণে ভাৰতীয় প্ৰবাসীসকলক সম্বোধিত কৰি এই মন্তব্য প্ৰদান কৰে ৷
লগতে বিগত লোকসভা নিৰ্বাচন আৰু অনাগত পাঁচ বছৰত তেওঁৰ চৰকাৰে লোৱা আঁচনিৰ সন্দৰ্ভত মন্তব্য কৰে ৷ ইফালে প্ৰধানমন্ত্ৰী মোডীয়ে কয় যে অনাগত পাঁচ বছৰত আমাৰ চৰকাৰে পাঁচ ত্ৰিলিয়ন ডলাৰ অৰ্থৱস্থা নিৰ্মাণ কৰিবৰ কাৰণে পদক্ষেপ লৈছে ৷গতিকে ভাৰতবাসীৰ আশা আকাংক্ষাক পূৰণ কৰিবৰ কাৰণে চৰকাৰক কাম কৰাৰ প্ৰয়োজন। সামাজিক ক্ষেত্ৰ আমাৰ প্ৰথম প্ৰাথমিকতা ৷
সম্প্ৰতি দেশত সাক্ষৰতাৰ হাৰ বৃদ্ধি পাইছে। অন্যহাতে ভাৰতে মহাকাশলৈ চন্দ্ৰমা,চন্দ্ৰযান ২ ৰ দ্বিতীয় মিশ্যন অনতি পলমে লন্স কৰাৰ কথা উল্লেখ কৰে ৷ ২০২২ চনত ভাৰতে প্ৰথম মানৱযুক্ত মিশ্যন গগনযান লন্স কৰিব ৷ সম্প্ৰতি ভাৰতে নিজৰ অন্তৰীক্ষ ষ্টেচন মুকলি কৰাৰ সম্ভাৱনাৰ কথা প্ৰকাশ কৰে ৷ জাপানৰ লগত থকা সম্বন্ধৰ বিষয়ে কয় যে জাপানে ভাৰতৰ সৰ্বতো প্ৰকাৰৰ বিকাশত উল্লেখ্য ভূমিকা গ্ৰহণ কৰিছে ৷ আৰু এই ভূমিকাই নতুন ভাৰত গঢ়াত সহায় কৰিব ৷
ভাৰতৰ সকলো ক্ষেত্ৰতে জাপানে সহায় কৰিছে ৷ এটা সময়ত গাড়ী নিৰ্মাণ কৰাটো জাপানে সহায় কৰিছিল। সম্প্ৰতি বুলেট ট্ৰেইন নিৰ্মাণ কৰাটো জাপানে সহায় কৰিছে । উল্লেখ্য যে, প্ৰধানমন্ত্ৰী মোডীয়ে জাপানত ৰেইৱা যুগৰ আৰম্ভনি হোৱাৰ বাবে আবে আৰু জাপানৰ জনসাধাৰণক অভিনন্দন জনায়। তেওঁলোকে বাৰাণসীৰ উন্নয়ন আৰু মুম্বাই আহমেদাবাদ বুলেট ৰেল প্ৰকল্পৰ অগ্ৰগতিৰ বিষয়েও আলোচনা কৰে ৷
প্ৰধানমন্ত্ৰী মোডীক জাপানত বিপুল আদৰণি জনোৱা হয় ৷ তেওঁ ওচাকা বিমান বন্দৰত উপস্থিত হোৱাৰ সময়ত তাত উপস্থিত থকা ভাৰতীয় সম্প্ৰদায়ৰ লোকসকলে মোদী মোদী আৰু ভাকল মাতা কি জয় ধ্বনি দিয়ে ৷ প্ৰধানমন্ত্ৰী মোডীয়ে শীৰ্ষ সন্মিলনত আমেৰিকাৰ ৰাষ্ট্ৰপতি ড’নাল্ড টাম্প আৰু চীনৰ ৰাষ্ট্ৰপতি ঝি জিনপিঙৰ লগত আলোচনা কৰে।
অন্য খবৰৰ বাবে পঢ়ক: ভাৰত আৰু আমেৰিকায়ে বন্ধু হিচাপে সমস্যা সমূহ সমাধান কৰিব