আজি এক নৱেম্বৰৰ পৰা বেংকৰ পৰা আৰম্ভ কৰি ৰন্ধন গেছৰ চিলিণ্ডাৰ আৰু ৱাটছএপলৈঃ বহুকেইটা নতুন নিয়ম প্ৰযোজ্য হৈছে ৷ আজিৰ পৰা কাৰ্যকৰী হোৱাকৈ বাণিজ্যিক চিলিণ্ডাৰৰ দাম ২৬৪টকাকৈ বৃদ্ধি কৰা হৈছে ৷ একেদৰে পুৰণি এণ্ড্ৰয়ড আৰু আই অ' এচ ম'বাইল ফোনত ৱাটছএপ নচলিব বুলি প্ৰাপ্ত তথ্যত প্ৰকাশ ৷
ইপিনে, বেংক অৱ বৰোদাই ইয়াৰ গ্ৰাহকসকলৰ ক্ষেত্ৰত এটা নিয়ম প্ৰযোজ্য কৰিছে ৷ এই নতুন নিয়ম অনুসৰি বেংক অৱ বৰোদাৰ গ্ৰাহকে এমাহত তিনিবাৰতকৈ অধিকবাৰ বেংকৰ পৰা ধন উলিয়ালে মাচুল জমা দিব লাগিব ৷ তদুপৰি এক নিৰ্দিষ্ট সীমাৰ বাহিৰত ধন জমা কৰাৰ ক্ষেত্ৰতো বেংকক মাচুল দিব লাগিব ৷
আনহাতে, ভাৰতীয় ষ্টেট বেংক (এছ বি আই)-এ পেঞ্চনাৰসকলে জমা দিয়া "জীৱিত"ৰ প্ৰমাণপত্ৰৰ ক্ষেত্ৰতো এটা নতুন নিয়ম প্ৰযোজ্য কৰিছে ৷
আৰু পঢ়িব পাৰেঃ অসমৰ দৰং জিলাত ট্ৰাক-ছুইফটৰ সংঘৰ্ষত ৫ জন ইউটিউবাৰ নিহত