ক’ৰ’না মহামাৰীৰ পৰা আৰোগ্য লাভঃ আৰু তিনিজনক চিকিৎসালয়ৰ পৰা ঘৰলৈ যোৱাৰ অনুমতি
ক’ৰ’না মহামাৰীৰ দ্বাৰা আতংকিত হৈ থকা জনতালৈ স্বস্তিৰ বতৰা ! অসমৰ আৰু তিনিজন ক’ৰ’না মহামাৰী আক্ৰান্তক চিকিৎসালয়ৰ পৰা ঘৰলৈ যাবলৈ দিয়া হৈছে ৷ কাৰণ তিনিওজন সুস্থ হৈছে ৷ আজি শনিবাৰৰ দিনটোত এই তিনিজনক চিকিৎসালয়ৰ পৰা ঘৰলৈ যাবলৈ দিয়া হয় ৷ এই কথা টুইটাৰত প্ৰকাশ কৰিছে স্বাস্থ্য মন্ত্ৰী হিমন্ত বিশ্ব শৰ্মাই ৷ মন্ত্ৰী শৰ্মাই প্ৰকাশ কৰা অনুসৰি ইয়াৰে দুজন গুৱাহাটীৰ মহেন্দ্ৰ মোহন চৌধুৰী হাস্পতালত চিকিৎসাধীন হৈ আছিল আৰু আনজন শিলচৰ চিকিৎসা মহাবিদ্যালয় হাস্পতালত চিকিৎসাধীন হৈ আছিল ৷ আজি মন্ত্ৰী শৰ্মা আৰু স্বাস্থ্য বিভাগৰ ৰাজ্যিক মন্ত্ৰী পীযুষ হাজৰিকাই এম এম চি এইচৰ দুজনক চিকিৎসালয়ৰ পৰা বিদায়ৰ সময়ত সাক্ষাৎ কৰে ৷ দুয়োকে ১৪দিনৰ বাবে ঘৰত আছুতীয়াকৈ থাকিবলৈ স্বাস্থ্য বিভাগে নিৰ্দেশ দিছে ৷ একেদৰে শিলচৰ চিকিৎসা মহাবিদ্যালয় হাস্পতালৰ পৰা যাবলৈ দিয়া জনকো ঘৰত আছুতীয়াকৈ থাকিবলৈ স্বাস্থ্য বিভাগে নিৰ্দেশ দিছে ৷ স্বাস্থ্য মন্ত্ৰী শৰ্মাই প্ৰকাশ কৰা অনুসৰি ৰাজ্যৰ মুঠ ৩৪জন ক’ৰ’না মহামাৰী আক্ৰান্তৰ ১২জন সুস্থ হৈছে ৷ ইয়াৰ পূৰ্বে গোৱালপাৰাৰ দুজন আৰু জাগীৰোডৰ দুজন ক’ৰ’না মহামাৰী আক্ৰান্তক চিকিৎসালয়ৰ পৰা ঘৰলৈ যাবলৈ দিয়া হয় ৷ অসমত এজন ক’ৰ’না মহামাৰী আক্ৰান্ত মৃত্যু হৈছে ৷
অন্য খবৰৰ বাবে পঢ়ক: ক’ৰ’না মহামাৰীৰ মাজতে কেৰালাত কৰ্মৰত অসমৰ যুৱকৰ মৃত্যু
ভিডিঅ প্ৰতক্ষ্য কৰক: SEBA will declare Results of HSLC-High Madrasa within 30 days from repeal of lockdown