উত্তৰাখণ্ডৰ এজন বিধায়কৰ নতুন বিপদ। উত্তৰাখণ্ডৰ খানপুৰৰ বিধায়ক প্ৰণৱ সিঙ চেম্পিয়নৰ এটি বিশেষ ভিডিঅ’ ছ’চিয়েল মিডিয়াত ভাইৰেল হৈছে। ভিডিঅ’টোত এগৰাকী মহিলাৰ নৃত্য উপভোগ কৰি থকা দেখা গৈছে বিধায়ক চেম্পিয়নক ৷ লগতে আছে তেওঁৰ সহকৰ্মী ৷
বিধায়ক প্ৰণৱ সিং চেম্পিয়নেও হাঁহিমুখে নৃত্যৰ আনন্দে লৈছে ৷কিন্তু উত্তৰাখণ্ডৰ বিধায়ক প্ৰণৱ সিং চেম্পিয়নৰ সেই আনন্দই যেন কাল অমানিষা কঢ়িয়াই আনিলে তেওঁৰ জীৱনলৈ ৷ কাৰণ ভিডিঅ’টি ভাইৰেল হোৱাৰ পিছত বিজেপিৰ পৰা বহিস্কাৰ কৰিছে বিধায়ক প্ৰণৱ সিং চেম্পিয়নক ৷ অন্যহাতে বিধায়ক প্ৰণৱ সিং চেম্পিয়নে এই সন্দৰ্ভত মন্তব্য কৰিছে যে এইটো চাৰি বছৰ পুৰণি ভিডিঅ’৷
মোৰ অতীতক সংবাদ মাধ্যমে কিয় খুচৰি আছে ৷মই এতিয়ালৈকে চাৰি বাৰ বিধায়ক হিছাপে নিৰ্বাচিত হৈ আহিছো ৷ মই মোৰ সমষ্টিৰ জনগণৰ কাৰণে সকলো কৰিছোঁ ৷ কিন্তু সংবাদ মাধ্যমে মোৰ বিৰুদ্ধে অপপ্ৰচাৰ কৰিছে ৷ গতিকে বিধায়ক প্ৰণৱ সিং চেম্পিয়নৰ সংবাদ মাধ্যমৰ বিৰুদ্ধে এই মন্তব্য উল্লেখ্য হৈ পৰিছে ৷
অন্য খবৰৰ বাবে পঢ়ক: মানৱতা: পাকিস্তানৰ নৈৰে উটি অহা শিশুৰ মৃতদেহ পাকিস্তানী সেনাক অৰ্পণ ভাৰতীয় সেনাৰ