গুৱাহাটীঃ গুণোৎসৱত এ+ গ্ৰেড পোৱা বিদ্যালয় এখনৰ ঠিকাভিত্তিক শিক্ষকৰ সেৱা নিয়মীয়া কৰিব অসম চৰকাৰে। আই টি আই, আকস্মিক কৰ্মী আৰু ক্ৰীড়া আন্তঃগাঁথনি ৰক্ষণাবেক্ষণৰ সৈতে জড়িত আন বহু সিদ্ধান্তৰ লগতে আজি ৰাজ্যিক কেবিনেটে এই সিদ্ধান্ত গ্ৰহণ কৰে। কেবিনেটৰ সিদ্ধান্ত সন্দৰ্ভত সংবাদ মাধ্যমক অৱগত কৰি মন্ত্ৰী ড০ ৰানোজ পেগুৱে কয় যে, "কোনো বিদ্যালয়ে যদি একেৰাহে দুবছৰ ধৰি গুণোৎসৱৰ সময়ত এ+ গ্ৰেড পায়, তেন্তে সেই বিদ্যালয়ৰ ঠিকাভিত্তিক শিক্ষকৰ সেৱা নিয়মীয়া কৰা হ'ব।শংকৰদেৱৰ শিক্ষা প্ৰচাৰৰ বাবে জেএনইউৰ মাজত শীঘ্ৰে বুজাবুজিৰ চুক্তি স্বাক্ষৰিত কৰিব বুলি কলে, " ডাঃ পেগুৱে। ৰাজ্যত প্ৰায় ১৩ হাজাৰ কেজুৱেল ৱৰ্কাৰ, মাষ্টাৰ ৰোল আৰু ৱৰ্ক চাৰ্জ কৰ্মচাৰী আছে।কেবিনেটে সিদ্ধান্ত লৈছে যে তেওঁলোকে বাৰ্ষিক ৩ শতাংশ মজুৰি বৃদ্ধিৰ অধিকাৰী হ'ব।' তেওঁ আৰু কয় যে একাংশ চৰকাৰী বিভাগৰ লগতে ৰাজ্যৰ বিভিন্ন প্ৰতিষ্ঠানে দক্ষতা বিকাশৰ প্ৰশিক্ষণ প্ৰদান কৰে। "এতিয়া দক্ষতা বিকাশৰ প্ৰশিক্ষণক এটা মঞ্চৰ অধীনলৈ অনা হ'ব আৰু এনে প্ৰশিক্ষণৰ পাঠ্যক্ৰম চৰকাৰে ৰচনা কৰিব। ৰাজ্যৰ প্ৰতিটো ব্লকত ৰাজহুৱা ব্যক্তিগত অংশীদাৰিত্ব (পিপিপি)ত উদ্যোগিক প্ৰশিক্ষণ প্ৰতিষ্ঠান (আইটিআই) স্থাপনৰ সিদ্ধান্তও কেবিনেটে গ্ৰহণ কৰিছে বুলি মন্ত্ৰীগৰাকীয়ে কয়। তেওঁ লগতে কয় যে চৰকাৰী আই টি আই আৰু ব্যক্তিগত আই টি আইৰ মাচুলৰ বৈষম্য চৰকাৰে প্ৰৰোচনা আৰু বৃত্তিৰ জৰিয়তে সেতুবন্ধন কৰিব। ৰাজ্যত দক্ষতা বিকাশৰ প্ৰশিক্ষণৰ বাবেও কেন্দ্ৰীয় তথ্যকোষ সৃষ্টি কৰা হ'ব বুলিও তেওঁ লগতে কয়।
ৰাজ্যৰ বহু ক্ৰীড়া আন্তঃগাঁথনি চৰকাৰে নিৰ্মাণ কৰিছিল যদিও ইয়াৰ ৰক্ষণাবেক্ষণ সমস্যাত পৰিণত হৈছে বুলি মন্তব্য কৰে। "কেবিনেটে সিদ্ধান্ত লৈছে যে অসমৰ ক্ৰীড়া কৰ্তৃপক্ষ বা ব'ৰ্ড অৱ ক্ৰীড়া, অসমে এতিয়া সেই ষ্টেডিয়ামসমূহৰ ৰক্ষণাবেক্ষণৰ কাম চোৱাচিতা কৰিব যিবোৰৰ ৰক্ষণাবেক্ষণ জিলা কৰ্তৃপক্ষই নকৰে। ইয়াৰ উপৰিও যোৰহাট আৰু গুৱাহাটীত দুখন প্ৰতিষ্ঠান স্থাপন কৰা হ'ব যিবোৰ... ক্ৰীড়াবিদসকলৰ ফিটনেছ আৰু প্ৰশিক্ষণৰ ব্যৱস্থা কৰিব।