লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠানত পদ খালী

লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান (LGBRIMH)-ৰ বিষয়েঃ

লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান  (LGBRIMH) হৈছে দেশৰ অন্যতম পুৰণি মানসিক ৰোগ চিকিত্সা প্ৰতিষ্ঠান। তেজপুৰস্থিত এই প্ৰতিষ্ঠান ১৮৭৬-ত প্ৰতিষ্ঠা কৰা হয়। এই প্ৰতিষ্ঠানে ৮১ একৰো অধিক ভূমি আগুৰি আছে। ১৮৭৬-ত ব্ৰিটিছৰ শাসনৰ সময়ত এই প্ৰতিষ্ঠান তেজপুৰ পগলা ফাটেকৰূপে প্ৰতিষ্ঠা কৰা হৈছিল। ১৯২২-ত এই প্ৰতিষ্ঠানক তেজপুৰ মানসিক চিকিত্সালয়ৰূপে নামকৰণ কৰা হয়। ১৯৩২-ত এই হাস্পতালত ৰোগীৰ বিচনাৰ সংখ্যা ৭০০ খনলৈ বৃদ্ধি পায়। স্বাধীনতাৰ পাছত এই হাস্পতালক অসম চৰকাৰৰ অধীনলৈ অনা হয়। ১৯৪৯-ত স্বৰ্গীয় এন চি বৰদলৈ এই হাস্পতালৰ অধীক্ষক হয়। তেওঁৰ কাৰ্যকালত হাস্পতালখনে প্ৰশাসনিক আৰু চিকিত্সা সেৱাৰ ক্ষেত্ৰত উন্নতিৰ মুখ দেখে। ডাঃ বৰদলৈ হৈছে পদ্মশ্ৰী বঁটা প্ৰাপ্ত দেশৰ প্ৰথমগৰাকী মনোৰোগ বিশেষজ্ঞ। ১৯৮৭-ত হাস্পতালখনৰ এটা নতুন বহিঃৰোগ বিভাগৰ গৃহ নিৰ্মাণ কৰা হয়। ১৯৮৯-ত এই হাস্পতালক অসমৰ প্ৰথম মুখ্যমন্ত্ৰী গোপীনাথ বৰদলৈৰ নামেৰে নামকৰণ কৰা হয়। ১৯৯৯-ত হাস্পতালখনক উত্তৰ-পূব পৰিষদলৈ হস্তান্তৰ কৰা হয়। ২০০৭ৰ ১ জুনত এই হাস্পতালক ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰালয়ে গ্ৰহণ কৰে। 

লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান (LGBRIMH)-ত নিযুক্তি ২০২২ঃ 

লোকপ্ৰিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান (LGBRIMH)-এ ক্লিনিকেল ছাইকোলজিষ্ট আৰু ষ্টাফ নাৰ্ছ নিযুক্তিৰ বাবে আবেদন বিচাৰিছে । এই বিষয়ে সবিশেষ তথ্য তলত পাবঃ 

শিক্ষাগত অৰ্হতাঃ 

ক্লিনিকেল ছাইকোলজিষ্টঃ এম ফিল, স্নাতকোত্তৰ ডিগ্ৰী। 

ষ্টাফ নাৰ্ছঃ দ্বাদশ, বি এছ চি (নাৰ্ছিং)/ জি এন এম। 

ষ্টেনোগ্ৰাফাৰঃ দ্বাদশ। 

ৰিচিপ্টচনিষ্টঃ দ্বাদশ ।

নিম্নবৰ্গৰ সহায়কঃ দ্বাদশ । 

মেডিকেল ৰেকৰ্ড টেকনিচিয়ানঃ দ্বাদশ। 

ৰেডিওগ্ৰাফাৰঃ দশম, ডিপ্লোমা। 

আবেদনৰ নিয়মঃ 

সংশ্লিষ্ট নথি-পত্ৰৰ প্ৰতিলিসহ অনুমোদিত প্ৰ-পত্ৰত আবেদন অহা ১০ জানুৱাৰীৰ ভিতৰত পোৱাকৈ  lgbrimh@yahoo.co.in-লৈ প্ৰেৰণ কৰিব পাৰে। 

প্ৰাৰ্থী বাছনি প্ৰক্ৰিয়াঃ সাক্ষাতকাৰ। 

আৰু চাব পাৰে : মাদ্ৰাজ বিশ্ববিদ্যালয়ত জে আৰ এফ নিযুক্তি