Begin typing your search above and press return to search.

ৰাজ্যবাসীৰ কাৰণে এক বৃহৎ সকাহঃ ৰাজ্যসভাত উত্থাপন ন’হল নাগৰিকত্ব সংশোধনী বিধেয়ক ২০১৬

ৰাজ্যবাসীৰ কাৰণে এক বৃহৎ সকাহঃ ৰাজ্যসভাত উত্থাপন ন’হল নাগৰিকত্ব সংশোধনী বিধেয়ক ২০১৬

Sentinel Digital DeskBy : Sentinel Digital Desk

  |  13 Feb 2019 9:14 AM GMT

উত্তৰ পূবৰ ৰাজ্য বাসিন্দা সকলৰ এক বৃহৎ সকাহ ৷ ৰাজ্যসভাত উত্থাপন ন’হল বিতৰ্কিত নাগৰিকত্ব সংশোধনী বিধেয়ক ২০১৬ ৷ইফালে বিৰোধী দলে সদনত এক উত্তপ্ত পৰিস্থিতিৰ সৃষ্টি কৰিছিল ৷যাৰ কাৰণে বুধবাৰে আগবেলা দুবাৰকৈ সদন স্থগিত কৰিব লগাত পৰিছিল সভাপতি ভেংকয়া নাইডুৱে ৷ অন্যহাতে কেন্দ্ৰীয় গৃহমন্ত্ৰী ৰাজনাথ সিঙে (Rajnath Singh) বিধেয়ক খন উত্থাপন কৰিবলৈ সময় নিৰ্ধাৰিত কৰিছিল৷কিন্তু অনিৰ্দিষ্ট কাললৈ স্থগিত ৰখা হয় ৰাজ্যসভাৰ অধিবেশন ৷

উল্লেখ্য যে উত্তৰ পূবৰ ৰাজ্যসমূহৰ অসম,মেঘালয়,মনিপুৰ,সকলো দল সংগঠনে বিতৰ্কিত নাগৰিকত্ব সংশোধনী বিধেয়কখন বাতিল কৰিবলৈ যৎপৰোনাস্তি চেষ্টা কৰিছিল ৷ লগতে বিধেয়কখনৰ সন্দৰ্ভত নতুন দিল্লীত ভোটৰ দ্বাৰা বাতিল কৰিবলৈ বৈঠক অনুস্থিত কৰিছিল উত্তৰ পূবৰ ছাত্ৰ সংগঠনে ৷লগতে সকলো ৰাষ্ট্ৰীয় দল তথা নেতা বিধেয়কখনৰ বিৰুদ্ধে ভোট দিবলৈ আহ্বান কৰিছিল ৷সম্প্ৰতি বিতৰ্কিত বিধেয়কখন ৰাজ্যসভাত উত্থাপন নোহোৱাত স্বত্ত্বিৰ নিশ্বাস পেলাইছে সকলোৱে ৷

উল্লেখ্য যে,বিতৰ্কিত নাগৰিকত্ব সংশোধনী বিধেয়কখন যদি গৃহিত হয় তেন্তে বাংলাদেশ,আফগানিস্তান আৰু পাকিস্তানৰ লোকসকলে নাগৰিকত্ব লাভ কৰিব৷যাৰ কাৰনে পূৰ্বোত্তৰত এক অভাৱনীয় পৰিস্থিতিৰ সৃষ্টি হ’ব ৷

অধিক খবৰৰ বাবে পঢ়ক : ব্ৰেকিং নিউজ

Next Story