প্ৰত্যেক জন পিতৃ মাতৃৰে এটা সপোন থাকে যাতে,তেওঁলোকৰ সন্তানে ডাঙৰ হৈ সমাজত নিজক প্ৰতিষ্ঠা কৰিব পাৰে। কিন্তু আজি আমি আপোনালোকক জনাম ১১ বছৰীয়া এজনী কিশোৰৰ সম্পৰ্কে ৷হয়,মাত্ৰ ১১ বছৰ বয়সতে এখন বিদ্যালয়ৰ অধ্যক্ষৰ আসনত বহি পৰিয়ালৰ নাম জিলিকাইছে এইগৰাকী কিশোৰীয়ে ৷
১১ বছৰীয়া এই কিশোৰী গৰাকীৰ নাম হৈছে "খুশী" ৷ চতুৰ্থ শ্ৰেণীৰ খুশী সম্প্ৰতি নিজৰ বিদ্যালয়ৰে প্ৰধান শিক্ষয়ত্ৰী হ’ল৷ খুশীৰ প্ৰায় ৩ ফুট ওখ যদিও আত্মবিশ্বাস আৰু সাহস সচাকৈয়ে মন কৰিবলগীয়া। যাৰ কাৰণে খুশীয়ে নিজৰ বিদযালয়ৰ প্ৰধান শিক্ষয়ত্ৰী হ’বলৈ সুবিধা লাভ কৰিছে ৷ ইফালে আপোনালোক সকলোৰে মনত প্ৰশ্নৰ উদয় হ’ব পাৰে যে চতুৰ্থ শ্ৰেণীত পঢ়া এগৰাকী কিশোৰী কেনেকৈ বিদ্যালয়ৰ প্ৰধান শিক্ষয়ত্ৰী হ’ব পাৰে?
দৰাচলতে এই ঘটনাটো হৈছে ফিৰোজপুৰৰ গাৰ্লছ চিনিয়ৰ ছেকেণ্ডড্ৰী বিদযালয়ৰ ৷ ইতিমধ্যে খুশীয়ে পঢ়া বিদ্যালয়খনত স্মাৰ্ট ক্লাচ ৰূম আৰু লেবৰ সুবিধা দিছে। ফিৰোজপুৰৰ বিধায়ক পৰমিন্দৰ সিং পিংকী আহিছিল খুশী অধ্যয়নৰত বিদ্যালয়খনলৈ ৷ এই সময়ত বিধায়ক গৰাকীৰ মত বিনিময় কৰে খুশীৰ লগত ৷আমাক সকলোকে যেনেদৰে সকলোৱে প্ৰশ্ন কৰে যে তুমি ডাঙৰ হ’লে কি হ’বা ?
ঠিক তেনেদৰে খুশীকো বিধায়ক গৰাকীয়ে প্ৰশ্ন কৰে তুমি ডাঙৰ হ’লে কি হ’বা ৷ তেতিয়াই খুশীয়ে কয় যে মই বিদ্যালয়ৰ প্ৰধান শিক্ষয়ত্ৰী হ’ব বিছাৰো ৷ইয়াৰ পিছত বিধায়ক গৰাকীয়ে জানিবলৈ পায় খুশী ঘৰৰ অৱস্থা ভাল নহয় ৷লগতে খুশীৰ পিতৃৰ ইতিমধ্যে মৃত্যু হৈছে ৷ গতিকে খুশীৰ সপোনক বাস্তৱত ৰুপায়িত কৰিবৰ কাৰণে পদক্ষেপ লয় বিধায়ক পৰমিন্দৰ সিং পিংকীয়ে ৷ বিধায়ক পৰমিন্দৰ সিঙৰ কাৰণেই এদিনৰ কাৰণে বিদ্যালয়ৰ প্ৰধান শিক্ষয়ত্ৰী হয় খুশী ৷
আনহাতে খুশী পঢ়াত বহুত ভাল ৷ গতিকে ১১ বছৰীয়া খুশীৰ সপোন বাস্তৱত পৰিণত কৰিলে বিধায়কে । ইফালে বিদ্যালয়ৰ প্ৰধান শিক্ষয়ত্ৰী পদত খুশীক অধিস্থিত কৰাৰ আগত প্ৰথমতে বিধায়ক আৰু বিদ্যালয়ৰ প্ৰধান শিক্ষক খুশীৰ ঘৰলৈ যায় ৷ আৰু তাৰ পিছত অত্যন্ত ধুম ধামেৰে খুশী বিদ্যালয়ত প্ৰবেশ কৰে। ইয়াৰ পিছত খুশী বিদ্যালয়ৰ প্ৰধান শিক্ষকৰ কাৰ্যালয়ত প্ৰবেশ কৰি আসনত বহে ।
লগতে প্ৰধান শিক্ষয়ত্ৰী হৈ সমগ্ৰ বিদ্যালয়খন পৰিদৰ্শন কৰে। বিদ্যালয় পৰিদৰ্শন কৰি খুশীয়ে বিদ্যালয়খনৰ অভাৱ অভিযোগ সমুহৰ কথা ব্যক্ত কৰে । এই অভাৱ অভিযোগসমূহ অনতি পলমে সমাধান কৰা হ’ব বুলি কয় বিধায়ক গৰাকীয়ে। উল্লেখ্য যে এই সময়ত উপস্থিত আছিল খুশীৰ মাতৃ ৰ’জী। মাতৃয়ে কয় যে এয়া এক উল্লেখযোগ্য পদক্ষেপ ৷ইয়াৰ দ্বাৰা খুশীৰ আত্মবিশ্বাস বাঢ়িব। ইফালে বিধায়কে খুশীৰ নামত ৫১ হাজাৰ টকা প্ৰদান কৰে। যাতে খুশীয়ে প্ৰয়োজনীয় বস্তুসমূহ ক্ৰয় কৰিব পাৰে ৷
অন্য খবৰৰ বাবে পঢ়ক: এজন আৰক্ষীৰ সামাজিক দায়বদ্ধতাই চুই গৈছে দেশ বাসীৰ হৃদয়: ভিডিঅ’ চাওক
ভিডিঅ প্ৰতক্ষ্য কৰক:Cleanliness Drive by Lumding Police under 'Swachh Bharat Abhiyan Week'
