সুস্থ সবল যমজ সন্তান জন্ম দিলে ৭৪ বছৰীয়া মহিলাই ৷ অন্ধ্ৰপ্ৰদেশৰ এগৰাকী ৭৪ বছৰীয়া আইতা ৷ আৰু এই গৰাকী আইতাই জন্ম দিলে যমজ সন্তানক ৷ সম্প্ৰতি চিকিৎসকৰ মন্তব্য যে এইয়া বিশ্বৰ বিৰল দৃশ্য ।অন্ধ্ৰপ্ৰদেশৰ পূব গোদাবৰী জিলাৰ দাক্সাৰামৰ ই ম্যাগাম্মাই অহল্যা চিকিৎসালয়ত দুগৰাকী কন্যা সন্তানক জন্ম দিয়ে ৷ ড° চানক্যঅহল্যা অৰুণাৰ মন্তব্য অনুসৰি সম্প্ৰতি ই ম্যাংগ্যামামা আৰু যমজ শিশু দুটি সম্পূৰ্ণ সুস্থ।
এক বিশেষ সূত্ৰৰ খবৰ অনুসৰি ১৯৬২ চনত ৮০ বছৰীয়া ৰাজা ৰাওৰ লগত বিবাহ পাশত আৱদ্ধ হৈছিল ৷ কিন্তু নিঃসন্তান আছিল এই ৰাও দম্পতী। কিন্তু ৰাজা ৰাওৰ চুবুৰীয়াৰ বিগত বৰ্ষত ৫৫ বছৰ বয়সত কৃত্ৰিম গৰ্ভধাৰণেৰে এটি সন্তানক জন্ম দিয়ে ৷ ইয়াৰ পিছতেই মনলৈ সাহস আহে ৰাজা ৰাওৰ দম্পতীৰ। ইয়াৰ পিছতেই চিকিৎসকৰ পৰামৰ্শ ক্ৰমে চলিত বৰ্ষৰ জানুৱাৰীত আইভিএফৰ প্ৰক্ৰিয়াৰ জৰিয়তে গৰ্ভ ধাৰণ কৰে ৷
ইয়াৰ পিছতেই চিকিৎসকৰ দলে নিৰন্তৰে চিকিৎসালয়ত চিকিৎসা কৰি মাতৃ কন্যাক সুস্থ কৰে ৷ ড° অৰুণা নামৰ চিকিৎসক গৰাকীয়ে কয় যে ই ম্যাগাম্মাৰ কোনো ডাইবেটিছ আৰু উচ্চ ৰক্ত চাপ নাই ৷ ৭৪ বছৰ বয়সতো ই ম্যাগাম্মায়ে সাধাৰণ ভাৱেই সন্তান জন্ম দিছে ৷ ইফালে ৭৪ বছৰ বয়সত সন্তান জন্ম দিয়া এইয়াই নতুন নহয় ৷ইয়াৰ পূৰ্বে ২০১৬ চনত ৭২ বছৰ বয়সত পাঞ্জাৱৰ অমিতশৰত আইভিএফৰ জৰিয়তে এটি সন্তান জন্ম দিছিল । হাৰিয়ানাৰ জিন্দ জিলাৰ ৭০ বছৰীয়া ৰাজো দেৱীও ২০০৮ চনত সন্তান জন্ম দিছিল।
অধিক খবৰৰ বাবে পঢ়ক: স্বাস্থ্য বিভাগক হেয় প্ৰতিপন্ন কৰি চাঙীতে সন্তান জন্ম গৰ্ভৱতী মহিলাৰ
