কাজিৰঙা ৰাষ্ট্ৰীয় উদ্যানৰ অষ্টম তম বনাঞ্চল, বোকাখাট বনাঞ্চলৰ উদ্বোধনী অনুষ্ঠান

কাজিৰঙা ৰাষ্ট্ৰীয় উদ্যানৰ অষ্টম তম বনাঞ্চল, বোকাখাট বনাঞ্চলৰ উদ্বোধনী অনুষ্ঠান ।মঙ্গলবাৰে কাজিৰঙা ৰাষ্ট্ৰীয় উদ্যানৰ অষ্টম তম বনাঞ্চল বোকাখাট বনাঞ্চল ( bokakhat forest range ) আনুষ্ঠানিক ভাৱে ঘোষণা কৰা হয় । কাজিৰঙা ৰাষ্ট্ৰীয় উদ্যানৰ সঞ্চালকৰ প্ৰাংগনত এই বিশেষ উদ্বোধনী অনুষ্ঠানটো অনুষ্ঠিত হয় ।

নতুনকৈ সংযোজন হোৱা বোকাখাট বনাঞ্চল আনুষ্ঠানিক ভাৱে উদ্বোধন কৰে কাজিৰঙা ৰাষ্ট্ৰীয় উদ্যানৰ সঞ্চালক ( k N P director ) পি . শিৱকুমাৰ আৰু পূব অসম বন্য প্ৰাণী‌ সংমণ্ডলৰ ডি এফ অ' ৰোহিনী বল্লভ শইকীয়াই ।

অনুষ্ঠানত অসম ৰাজ্যিক সাংবাদিক সংন্হা ( Assam state journalist association ) ৰ সভাপতি জিতু শৰ্মা ৰাজখোৱা , বোকাখাট প্ৰেছ ক্লাবৰ সভাপতি ভৱানন্দ কলিতা , গোলাঘাটৰ সোনাৰী বন্যপ্ৰাণী তত্বাৱধায়ক উত্তম শইকীয়া , লগতে আন‌ বন্য বিষয়া উপস্থিত থাকে । কাজিৰঙা ৰাষ্ট্ৰীয় উদ্যানৰ অষ্টম ৰেঞ্জ বনাঞ্চলটো ১৯০ বৰ্গকিলোমিটাৰ পৰিসৰ সামৰি লৈছে । লগতে এই বনাঞ্চলটোত ভাৰপ্ৰাপ্ত বনাঞ্চলিক বিষয়া হিচাপে দীপাংকৰ দেৱৰ হাতত দায়িত্ব অৰ্পণ কৰা হৈছে ।

নতুনকৈ নিৰ্মাণ কৰা এই বনাঞ্চলটোত ফৰেষ্ট ৰেঞ্জ এ পূৱ অসম বন্যপ্ৰাণী সংমণ্ডলৰ বোকাখাট খণ্ড বন কাৰ্য্যালয়ৰ পৰিসৰৰ উপৰিও কাজিৰঙা ৰাষ্ট্ৰীয় উদ্যানৰ ষষ্ঠ সংযোজনৰ কিছু অংশ ও সামৰি লৈছে । নৱনিৰ্মিত ৮ তম বনাঞ্চল বোকাখাট বনখণ্ডৰ অধীনত ভক্তে চাপৰি , গাভৰু চাপৰি , মৰিয়াহোলা , মদাৰজুৰি , পানবাৰী , শিশুবাৰী , ভ্ৰাম্যমাণ বন শিবিৰ গংগা চিলনীৰ নামো বোকাখাট বনাঞ্চলত অন্তৰ্ভুক্ত কৰা হৈছে ।

অধিক খবৰৰ বাবে পঢ়ক:এইবাৰ যান বাহন আইন উলংঘা কৰি ট্ৰাক চালকে দিলে ২,০০,৫০০ টকাৰ জৰিমনা

ভিডিঅ প্ৰতক্ষ্য কৰক:Peace Rally to prevent frequent Road Accident in Tinsukia