শীৰ্ষ বাতৰি

অসমলৈ ৫১ লাখ টকাৰ বান সাহাৰ্য্য মেগাষ্টাৰ অমিতাভ বচ্ছনৰ

Amitabh Bachan Donation

 

বান বিধস্ত অসমলৈ বলীউডৰ মেগাষ্টাৰ অমিতাভ বচ্ছনৰ ৫১ লাখ বান সাহাৰ্য্য । বিগ বি অমিতাভ বচ্ছনে মুখ্যমন্ত্ৰী সাহাৰ্য্য পুঁজিলৈ ৫১ লাখ সাহাৰ্য্য প্ৰদান কৰিছে ।
অমিতাভ বচ্ছনে এই সাহাৰ্য্যৰ পাছত মুখ্যমন্ত্ৰী সৰ্বানন্দ সোনোৱালে টুইটাৰযোগে ধন্যবাদ জ্ঞাপন কৰে।

সম্প্ৰতি বানত মৃত্যু হোৱা লোকৰ সংখ্যা ৬৭ জনলৈ বৃদ্ধি পাইছে ৷ ইয়াৰোপৰি ভূমিস্খলনত মৃত্যু হৈছে দুজন ৷ ৰাজ্যৰ বিধ্বংসী বানত লোকসকলৰ ধন জন সকলো ক্ষতিগ্ৰস্ত হৈছে৷ ইফালে এতিয়াও বিপদসীমাৰ ওপৰেৰে বৈ থকা নদীসমূহৰ ভিতৰত আছে যোৰহাটৰ নিমাতীঘাট,ব্ৰহ্মপুত্ৰৰ লগত জিয়া ভৰালী ৷ আনহাতে সোমবাৰলৈকে বিশেষকৈ ১৮ খন জিলাৰ ৫৯ ৰাজহ চক্ৰৰ ২২৮৩ খন গাঁৱৰ ৩০,৫৫,৮৩৭ জন ব্যক্তি বানত প্ৰভাৱিত হৈছে ৷ বানত প্ৰভাৱিত জিলা কেইখন হৈছে ধেমাজী, বিশ্বনাথ, দৰং, বৰপেটা, নলবাৰী, চিৰাংগ, বঙাইগাঁৱ, কোকৰাঝাৰ, ধুবুৰী, দক্ষিণ শালমাৰা, গোৱালপাৰা, কামৰূপ, কামৰূপ (মেট্ট), মৰিগাঁও, নগাঁও, গোলাঘাট, যোৰহাট আৰু কাছাৰ ৷
বানাক্ৰান্তক সহায় কৰিবলৈ আগবাঢ়ি আহিল বলীউডৰ লগতে অসমৰ জনপ্ৰিয় অভিনেত্ৰী সীমা বিশ্বাস ৷ অভিনেত্ৰীগৰাকীয়ে মুখ্যমন্ত্ৰী পুঁজিলৈ বানাক্ৰান্তৰ কাৰণে পাঁচ লাখ টকাৰ সাহাৰ্য্য আগবঢ়াইছে ৷
অসমৰ জনপ্ৰিয় অভিনেতা যতিন বৰায়ে বানাক্ৰান্তৰ সাহাৰ্য্যৰ বাবে মুখ্যমন্ত্ৰীৰ সাহাৰ্য্য পুঁজিলৈ ১ লাখ টকা অনুদান আগবঢ়াইছে । যতিন বৰায়ে ১ লাখ টকাৰ চেক মুখ্যমন্ত্ৰী সৰ্বানন্দ সোনোৱালৰ হাতত অৰ্পণ কৰে। লগতে জনপ্ৰিয় অভিনেতা জনে অসমৰ বানাক্ৰান্তক সহায় কৰিবলৈ সমগ্ৰ দেশবাসীকে আহ্বান জনাই ।

আনহাতে ক্ৰিকেটাৰ ৰিয়ান পৰাগে সকলোকে সহায় কৰিবলৈ আহ্বান জনাইছে । ৰিয়ান পৰাগে মুখ্যমন্ত্ৰী সাহাৰ্য্য পুঁজি লৈ ১ লাখ টকা সাহাৰ্য্য আগবঢ়াইছে । অসমৰ মুখ্যমন্ত্ৰী সৰ্বানন্দ সোনোৱালে ৰিয়ান পৰাগক ধন্যবাদ জ্ঞাপন কৰি টুইটাৰযোগে প্ৰকাশ কৰে।

আন্তঃৰাষ্ট্ৰীয় সন্মান লাভ কৰা অসম কন্যা , ছবি নিৰ্মাতা ৰিমা দাসে অসমৰ বানাক্ৰান্তক সাহাৰ্য্যৰ বাবে ১ লাখ টকা সাহাৰ্য্য প্ৰদান কৰিছে ।

অসমত প্ৰলয়ংকাৰী বানৰ সময়তে বানাক্ৰান্তক সহায়ৰ হাত আগবঢ়াবলৈ আহ্বান বলীউড তাৰকা জন আব্ৰাহমৰ । যিমান সামৰ্থ সিমান সহায় কৰিবলৈ আহ্বান জনাইছে বলীউডৰ তাৰকা গৰাকীয়ে। জন আব্ৰাহমে টুইটাৰযোগে সহায় কৰিবলৈ আহ্বান জনাইছে ।

বলীউডৰ তাৰকা জন আব্ৰাহমৰ লগতে অভিনেত্ৰী প্ৰিয়ংকা চোপ্ৰায়ে টুইটাৰযোগে বানাক্ৰান্তক সহায় কৰিবলৈ আহ্বান জনাইছে। দিয়া মিৰ্জায়ে বানাক্ৰান্তক সহায় কৰিবলৈ আহ্বান জনাইছে ।

বলীউডৰ জনপ্ৰিয় অভিনেতা অক্ষয় কুমাৰে ৰাজ্যৰ বানাক্ৰান্ত সকলৰ বাবে মুখ্যমন্ত্ৰীৰ সাহাৰ্য্য পুঁজি আৰু কাজিৰঙা ৰাষ্ট্ৰীয় উদ্যানৰ উদ্ধাৰৰ বাবে ২ কোটি প্ৰদান কৰিছে ।টুইটাৰযোগে অক্ষয় কুমাৰে প্ৰকাশ কৰে যে, “বৰ্তমান অসমৰ পৰিস্থিতিৰ অতি দুখ লগা । এনে সংকটৰ সময়ত ক্ষতিগ্ৰস্থ সকলো জনসাধাৰণ, বন্যপ্ৰানীক সহায়ৰ প্ৰয়োজন । মই মুখ্যমন্ত্ৰী সাহাৰ্য্য পুঁজি লৈ ১ কোটি আৰু কাজিৰঙা ৰাষ্ট্ৰীয় উদ্যানৰ বন্যপ্ৰানীৰ উদ্ধাৰৰ বাবে ১ কোটি প্ৰদান কৰিছো । লগতে সকলোকে সাহাৰ্য্য আগবঢ়াবলৈ সকলোকে আহ্বান জনাইছো ।”

 

অন্য খবৰৰ বাবে পঢ়ক: যতিন বৰা, ৰিয়ান পৰাগ, ৰিমা দাস আৰু বহুজনৰ বানাক্ৰান্তলৈ সাহাৰ্য্য