প্ৰসংগ: চিণ্ডিকেট: অসম বিধানসভাত উত্থাপন চিণ্ডিকেটৰ প্ৰসংগ

অসম বিধানসভাত সোমবাৰে ৰাজ্যৰ বিভিন্ন বিৰোধী আৰু শাসকীয় বিধায়কসকলৰ মাজত চিণ্ডিকেটক লৈ বাক বিতণ্ডা হোৱা দেখা যায় । সোমবাৰে পুৱা বিধানসভাৰ গ্ৰীষ্মকালীন অধিবেশনৰ সময়ত কংগ্ৰেছ বিধায়ক কমলাক্ষ দে পুৰকায়স্থই অভিযোগ উত্থাপন কৰে যে প্ৰশাসন তথা আৰক্ষীৰ চকুত ধূলি দি বৰাক উপত্যকাত কয়লাৰ ক্ষেত্ৰত অসামাজিক চিণ্ডিকেট অব্যাহত আছে ৷

কমলাক্ষ দে পুৰকায়স্থই আৰক্ষীৰ পৰা অধিক ধন সৰবৰাহ কৰিছে বুলি অভিযোগ উত্থাপন কৰে ৷পৰিবহন বিভাগৰ বিভাগীয় কৰ্মচাৰীৰ বিপৰীতে আৰক্ষীয়ে অবৈধ ৰূপত কয়লাৰ বস্তুসমূহৰ অবৈধ তদন্ত কৰিছে। এই মন্তব্য কমলাক্ষ দে পুৰকায়স্থৰ ৷ ইফালে পুৰকায়স্থৰ এই মন্তব্যৰ পিছতে বিধায়কসকলৰ মাজত তীব্ৰ প্ৰতিক্ৰিয়াৰ সৃষ্টি হয়। আৰু কংগ্ৰেছৰ দিনতে ৰাজ্যত চিণ্ডিকেট ৰাজ আৰম্ভ হৈছিল বুলি মন্তব্য কৰে।

বিজেপি বিধায়ক প্ৰশান্ত ফুকনে কয় যে মোৰ নিজৰে ট্ৰাক ব্যৱসায় আছে ৷ কিন্তু ৰাজ্যত বিজেপি শাসনলৈ অহাৰ পিছত এনেধৰণৰ কোনো ঘটনা সংঘটিত হোৱা নাই । মোৰ ট্ৰাক চালকে পশ্চিম বংগাল আৰু বিহাৰত আৰক্ষীক ধন দিয়ে যদিও অসমত নিদিয়ে। চিণ্ডিকেটৰ ক্ষেত্ৰত দলক তীব্ৰ প্ৰত্যাহ্বান জনাই প্ৰাক্তন কংগ্ৰেছী বিধায়ক আবুল কালাম ৰছিদ আলমে চিণ্ডিকেট ৰাজৰ অস্তিত্বক পৰ্যবেক্ষণ কৰিবৰ কাৰণে বিজেপি বিধায়কসকলক গোৱালপাৰালৈ যাবলৈ কয় ।

আনহাতে আবুল কালাম ৰছিড আলমৰ এই মন্তব্যৰ পিছত তীব্ৰ প্ৰতিক্ৰিয়া জনাই মন্ত্ৰী চন্দ্ৰ মোহন পাটোৱাৰীয়ে কংগ্ৰেছেই চিণ্ডিকেট ৰাজৰ জন্ম কাৰণে ইংগিত দিয়ে ৷আৰু কিছু উদাহৰণো দিয়ে ৷পাটোৱাৰীৰ এই মন্তব্যৰ পিছত বিৰোধী বিধায়কসকলৰ মাজত প্ৰতিক্ৰিয়াৰ সৃষ্টি হয়। আৰু কয় যে চৰকাৰে বিগত দিনৰ উদাহৰণ দিয়াতকৈ সম্প্ৰতি চিণ্ডিকেট কেনেকৈ ৰোধ কৰিব পাৰে তাক চিন্তা কৰিব লাগে ৷

যেতিয়া চিণ্ডিকেটৰ বিষয়ে সকলাৰে মাজত তীব্ৰ প্ৰতিক্ৰিয়া সৃষ্টি হৈছিল তেতিয়া বিধানসভাৰ অধ্যক্ষ হীতেন্দ্ৰ নাথ গোস্বামীয়ে এই সমগ্ৰ বিষয়টোৰ ওপৰত হস্তক্ষেপ কৰে ৷সকলো বিধায়কক চিণ্ডিকেট বিষয়টোৰ ওপৰত অধিক গুৰুত্ব দিবলৈ আহ্বান কৰে ৷ অধ্যক্ষই কয় যে আমি সকলোৱে চিণ্ডিকেট বন্ধ কৰিব বিচাৰো ৷ পাটোৱাৰীয়ে লগতে কয় যে ৰাজ্যত কেতিয়াও চিণ্ডিকেটৰ অস্তিত্ব থাকিব নোৱাৰে।

ৰাজ্য চৰকাৰে নাগালেণ্ড,মণিপুৰ আৰু অৰুণাচল প্ৰদেশ চৰকাৰৰ লগত প্ৰথমতে ই অবৈধভাৱে সৰবৰাহ হোৱা সামগ্ৰী সমূহৰ ক্ষেত্ৰত তদন্ত হ’বৰ কাৰণে কোৱা হৈছে ৷ যদি কাৰোবাৰ ওচৰত চিণ্ডিকেটৰ সম্পৰ্কত কিবা তথ্য আছে তেন্তে সেই সম্পৰ্কে গুৱাহাটী উচ্চ ন্যায়ালয়ত সেই তথ্য দিব লাগিব ৷ লগতে মন্ত্ৰী চন্দ্ৰ মোহন পাটোৱাৰীয়ে কয় যে ২০১৬ চন ১ জুনৰ পৰা ২০১৯ চনৰ ২৬ জুলাইলৈকে আৰক্ষীয়ে অবৈধ কয়লাৰ সম্বন্ধত ৬৯ টা গোচৰ দাখিল হৈছে ৷ আৰু ৮২ জন লোক গ্ৰেপ্তাৰ কৰিছে ৷

অধিক খবৰৰ বাবে পঢ়ক: ৰাজ্যত চলিত চৰকাৰৰ দিনত কোনো চিণ্ডিকেট নাইঃ চন্দ্ৰমোহন পাটোৱাৰী