অসম আৰক্ষীৰ কামাণ্ডো গিৰিশ দত্তক দেওবাৰে মাজনিশা অচিনাক্ত দুৰ্বিত্তয়ে নিৰ্মম ভাৱে হত্যা কৰে। বেটেলিয়ান কেম্পৰ ৰেলগেটৰ সমিপত নিশা দুৰ্বিত্তয়ে হত্যা কৰে গিৰিশ দত্তক ।
সূত্ৰয়ে জনোৱা মতে গিৰিশ দত্ত অসম আৰক্ষীৰ প্ৰশিক্ষক আছিল । অসমৰ বিভিন্ন জিলাৰ কামাণ্ডোক প্ৰশিক্ষণ দিছিল । মাকুম বেটেলিয়ানৰ স্থানীয় লোকে এই ঘটনাৰ প্ৰতিবাদ জনাই ৩৭ নং ৰাষ্ট্ৰীয় ঘাইপথ অবৰোধ কৰে। পুৱাৰে পৰা পথ অৱৰোধৰ কাৰ্যসূচী ৰূপায়ণ কৰে স্থানীয় লোকে । তিনিচুকীয়া আৰক্ষীৰ ঘটনাস্থলীত উপস্থিত হৈ অনুসন্ধান আৰম্ভ কৰিছে ।
উল্লেখযোগ্য যে ডিগবৈৰ তিংৰাইত মৰান জাতীয় মহিলা পৰিষদ আৰু অসম মৰান সভাৰ কেন্দ্ৰীয় অধিবেশনত অংশগ্ৰহন কৰি মাকুম বেটেলিয়ানৰ অশোক নগৰৰ ঘৰলৈ ওভতি অহা পথতে অচিনাক্ত দুৰ্বিত্তৰ সৈতে সংঘৰ্ষত লিপ্ত হৈছিল । ঘটনাৰ অনুসন্ধান অব্যাহত ৰাখিছে।
অধিক খবৰৰ বাবে পঢ়ক : ব্ৰেকিং নিউজ
