প্ৰায় সমগ্ৰ বিশ্বজুৰি ক’ৰ’না মহামাৰীৰ ভয়াবহ প্ৰাদুৰ্ভাৱৰ ফলত আন্তৰ্জাতিক বজাৰত খাৰুৱা তেলৰ মূল্য অভাৱনীয়ভাবে হ্ৰাস পাইছে। পৰিণতিত অসমে খাৰুৱা তেলৰ বাবদ বহু পৰিমাণে ৰয়েল্টিৰ ধন হেৰুৱাব। ই ৰাজ্যখনৰ বাবে আন এক আঘাত হ’ব। আজি এখন সংবাদমেলত এই উদ্বেগজনক তথ্য প্ৰকাশ কৰে বিতমন্ত্ৰী হিমন্ত বিশ্ব শৰ্মাই। সংবাদমেলত মন্ত্ৰী শৰ্মাই কয়, “ আন্তৰ্জাতিক বজাৰত খাৰুৱা তেলৰ মূল্য হ্ৰাসৰ ফলত আমি প্ৰচুৰ ক্ষতিৰ সন্মুখীন হম। অইল আৰু অ এন জি চিৰ পৰা পাবলগীয়া ৰয়েল্টীৰ পৰিমাণ হ্ৰাস পাব। গতিকে আৰ্থিক সমস্যা দেশৰ আন ৰাজ্যৰ তুলনাত আমাৰ অধিক হব”। ইয়াৰ পৰিপ্ৰেক্ষিততে পেট্ৰ’ল-ডিজেলত পাঁচ টকাকৈ ভেট বৃদ্ধি কৰা হৈছে বুলি তেওঁ কয়। অৱশ্যে এই বৃদ্ধি অধিক দিন প্ৰযোজ্য হৈ নাথাকে বুলিও মন্ত্ৰীজনে উল্লেখ কৰে।
অন্য খবৰৰ বাবে পঢ়ক: অৰুণাচল প্ৰদেশৰ বহু অংশক সামৰি চীন চৰকাৰৰ নতুন মানচিত্ৰ প্ৰকাশ
