Begin typing your search above and press return to search.

অযোধ্যাৰ সিদ্ধান্তক কোনো পক্ষৰে জয় পৰাজয় হিছাপে ল’ব নালাগেঃ প্ৰধানমন্ত্ৰী নৰেন্দ্ৰ মোডী

অযোধ্যাৰ সিদ্ধান্তক কোনো পক্ষৰে জয় পৰাজয় হিছাপে ল’ব নালাগেঃ প্ৰধানমন্ত্ৰী নৰেন্দ্ৰ মোডী

Sentinel Digital DeskBy : Sentinel Digital Desk

  |  9 Nov 2019 9:41 AM GMT

সন্মানীয় উচ্চতম ন্যায়ালয়ে অযোধ্যাৰ সন্দৰ্ভত নিজৰ ৰায় প্ৰদান কৰিলে ৷ উচ্চতম ন্যায়ালয়ৰ এই সিদ্ধান্তক কেতিয়াও কোনো পক্ষৰ জয় পৰাজয় হিছাপে ল’ব নালাগে ৷ শনিবাৰে এনেদৰে ফেচবুকত প্ৰকাশ কৰিলে প্ৰধানমন্ত্ৰী নৰেন্দ্ৰ মোডীয়ে ৷ প্ৰধানমন্ত্ৰী নৰেন্দ্ৰ মোডীয়ে লগতে কয় যে ৰাম ভক্তিয়েই হওঁক বা ৰহিম ভক্তিয়েই হওঁক। আমি ৰাষ্ট্ৰ ভক্তিৰ ভাবনাকহে শক্তিশালী কৰিব লাগে।

লগতে শান্তি আৰু সম্প্ৰীতি ভাব শক্তিশালী হ’ব লাগে ৷ ফেচবুকত এনেদৰে প্ৰকাশ কৰে প্ৰধানমন্ত্ৰী নৰেন্দ্ৰ মোডীয়ে ৷ অযোধ্যাক লৈ উচ্চতম ন্যায়ালয়ৰ সিদ্ধান্ত উল্লেখযোগ্য ৷কাৰণ যিকোনো বিবাদক আইনৰ যথাযথ ব্যৱহাৰে সমাধান কৰিব পাৰি ৷ ইয়াৰ দ্বাৰা আমাৰ ন্যায়পালিকাৰ স্বাধীনতা,পাৰদৰ্শিতাৰ বিষয়ে জানিব পাৰি ৷

লগতে স্পষ্ট হয় যে আইনৰ সন্মুখত সকলো সমান । উচ্চতম ন্যায়ালয়ৰ আজিৰ শুনানিত ১৩০ কোটি ভাৰতীয়ই শান্তি,সম্প্ৰীতি বৰ্তাই ৰাখিছে।গতিকে এনেদৰে অনাগত দিনত একতাৰ এই ভাৱনাই আমাৰ দেশক বিকাশৰ পথত আগুৱাই নিব ৷

অন্য খবৰৰ বাবে পঢ়ক: ৰাম জন্মভূমিৰ সন্দৰ্ভত উচ্চতম ন্যায়ালয়ৰ সিদ্ধান্তক আদৰণি জনাইছে আৰএছএছ প্ৰধান মোহন ভাগৱতে

ভিডিঅ প্ৰতক্ষ্য কৰক :CM Sonowal inaugurates National Livestock and Poultry Show 2019

Next Story
চাকৰি