ৰাজ্যিক সমন্বয় প্ৰতীক হাজেলাৰ বদলিৰ ক্ষেত্ৰত কেন্দ্ৰই বিছাৰিলে সময়
ৰাজ্যিক সমন্বয় প্ৰতীক হাজেলাৰ বদলিৰ ক্ষেত্ৰত কেন্দ্ৰই বিছাৰিলে সময় । ৰাষ্ট্ৰীয় নাগৰিক পঞ্জীৰ ৰাজ্যিক সমন্বয় প্ৰতিক হাজেলাৰ বদলিৰ ক্ষেত্ৰত উচ্চতম ন্যায়ালয়ৰ পৰা কেন্দ্ৰই বিছাৰিছে সময় । ৰাজ্যিক সমন্বয় প্ৰতিক হাজেলাক অসমৰ পৰা মধ্য প্ৰদেশলৈ বদলি কৰা হৈছিল ।
যোৱা ১৮ অক্টোবৰ তাৰিখে দেশৰ সৰ্বোচ্চ আদালতে ৰাষ্ট্ৰীয় নাগৰিক পঞ্জীৰ ৰাজ্যিক সমন্বয় প্ৰতিক হাজেলাক ৭ দিনৰ ভিতৰত বদলিৰ নিৰ্দেশ দিছিল । সেই মৰ্মে ২৫ অক্টোবৰ ভিতৰত হাজেলাৰ বদলিৰ প্ৰক্ৰিয়া সম্পন্ন কৰাৰ কথা আছিল ।
উল্লেখযোগ্য যে এন আৰ চি সম্পৰ্কীয় শুনানিৰ সময়ত উচ্চতম ন্যায়ালয়ে প্ৰতিক হাজেলাক মধ্য প্ৰদেশলৈ ইন্টাৰ কেডাৰ ডেপুটেচন যোগে সৰ্বাধিক সময়ৰ বাবে বদলিৰ নিৰ্দেশ দিছিল ।
আনহাতে মঙ্গলবাৰে কেন্দ্ৰই ৰাজ্যিক সমন্বয় প্ৰতিক হাজেলাৰ বদলি প্ৰক্ৰিয়াৰ বাবে এতিয়াও কিছু আনুষ্ঠানিকতা বাকী আছে বুলি উচ্চতম ন্যায়ালয়ৰ পৰা সময় বিচাৰি আৱেদন জনায় ।
কেন্দ্ৰত প্ৰতিনিধিত্ব কৰা অধিবক্তাই ১৯৯৫ চনৰ অসম মেঘালয় কেডাৰৰ আই এ এচ বিষয়া গৰাকীক বদলিৰ ক্ষেত্ৰত আৰু অধিক সময় লাগিব দেশৰ সৰ্বোচ্চ আদালতক অৱগত কৰে ।
অৱশ্যে প্ৰতিক হাজেলাৰ বদলিৰ বাবে আৰু কিমান সময়ৰ প্ৰয়োজন হব সেই বিষয়ে কেন্দ্ৰীয় চৰকাৰক প্ৰতিনিধিত্ব কৰা অধিবক্তা গৰাকীয়ে কোনো কাৰন উল্লেখ কৰা নাই ।
উল্লেখযোগ্য যে ৩১ আগষ্টত প্ৰকাশ পোৱা ৰাষ্ট্ৰীয় নাগৰিক পঞ্জীৰ তালিকাৰ পৰা মুঠ ১৯ লাখ মানুহৰ নাম বাদ পৰিছিল । তাৰোপৰি বাদ পৰা লোক সকলক বিদেশী ন্যায়াধীকৰত আৱেদন জনাবলৈ ১২০ দিনৰ সময়সীমা বান্ধি দিয়া হৈছিল । তাৰ পূৰ্বে বাদ পৰাৰ কাৰনৰ এখন তালিকা উল্লেখ কৰা কথা আছিল য'ত লোক সকলৰ নাম ৰাষ্ট্ৰীয় নাগৰিক পঞ্জীৰ তালিকাৰ পৰা বাদ পৰা কাৰন সমূহ উল্লেখ থাকিব ।
তথ্য অনুসৰি ৰাষ্ট্ৰীয় নাগৰিক পঞ্জীৰ বাবে ৩,৩০,২৭,৬৬১ জন মানুহে আৱেদন জনাইছিল । তাৰ ভিতৰত ৩,১১,২১,০০৪ জন মানুহৰ নাম ৰাষ্ট্ৰীয় নাগৰিক পঞ্জীত অন্তৰ্ভুক্ত হোৱাৰ লগতে ১৯,০৬,৬৫৭ জন লোকৰ নাম বাদ পৰিছিল ৰাষ্ট্ৰীয় নাগৰিক পঞ্জীৰ তালিকাৰ পৰা ।
তাৰোপৰি দেশৰ সৰ্বোচ্ছ ন্যায়লয়ে ৰাষ্ট্ৰীয় নাগৰিক পঞ্জীৰ ৰাজ্যিক সমন্বয় প্ৰতিক হাজেলাৰ বদলিৰ কোনো কাৰন উল্লেখ কৰা নাছিল । সম্ভৱত ৰাষ্ট্ৰীয় নাগৰিক পঞ্জী সংক্ৰান্তীয় কাৰনৰ বাবে প্ৰতিক হাজেলাক মধ্য প্ৰদেশলৈ বদলি কৰা হৈছিল ।
লগতে দেশৰ সৰ্বোচ্চ ন্যায়ালয়ে ৰাষ্ট্ৰীয় নাগৰিক পঞ্জীৰ চূড়ান্ত তালিকা প্ৰকাশৰ তাৰিখ ২৬ নৱেম্বৰ বুলি উল্লেখ কৰিছে ।
অন্য খবৰৰ বাবে পঢ়ক: উপ নিৰ্বাচনৰ চাৰিটা সমষ্টিৰ তিনিটা সমষ্টিয়েই বিজেপি দখলত
ভিডিঅ প্ৰতক্ষ্য কৰক : Women organisations staged protest against alleged Drug Addiction in Kampur
