Top
Begin typing your search above and press return to search.

কংগ্ৰেছ অধক্ষ্য হৈ থাকিবলৈ অনিচ্ছা প্ৰকাশ ৰাহুল গান্ধীৰ

কংগ্ৰেছ অধক্ষ্য হৈ থাকিবলৈ অনিচ্ছা প্ৰকাশ ৰাহুল গান্ধীৰ

Sentinel Digital DeskBy : Sentinel Digital Desk

  |  26 Jun 2019 12:58 PM GMT

শেহতীয়াকৈ কংগ্ৰেছৰ অধ্যক্ষ ৰাহুল গান্ধীয়ে অধক্ষ্য হিচাপে কাৰ্যনিৰ্বাহ নিৰ্বাহ কৰিবলৈ অনিচ্ছা প্ৰকাশ কৰিছে। কংগ্ৰেছৰ এক বৈঠকত ৰাহুল গান্ধীয়ে এই কথা প্ৰকাশ কৰে। এই বৈঠকত ছোনিয়া গান্ধীও উপস্থিত থাকে ।

উল্লেখযোগ্য যে লোকসকল নিৰ্বাচনত কংগ্ৰেছৰ বিপৰ্যয়ৰ পাছত বহুতো দাবীৰ লগতে , পৰামৰ্শ দিয়া হৈছিল দলটোক । লোকসভা নিৰ্বাচনৰ পাছত কংগ্ৰেছৰ অধ্যক্ষ ৰাহুল গান্ধীয়ে পদত্যাগ পত্ৰ দাখিল কৰিছিল । কিন্তু কংগ্ৰেছ দল আৰু কংগ্ৰেছৰ সদস্য সকলে ৰাহুল গান্ধীৰ পদত্যাগ পত্ৰ গ্ৰহণ নকৰিছিল।

কংগ্ৰেছ দলৰ সদস্য সকলে প্ৰকাশ কৰে কংগ্ৰেছ দলে বৰ্তমান এক কঠিন সময় পাৰ কৰিছে আৰু এই সময়ত , ৰাহুল গান্ধীক তেওঁলোকৰ নেতা হিচাপে বিচাৰে । লগতে দলৰ নেতা সকলে প্ৰকাশ কৰে যে , বৰ্তমানৰ কঠিন সময়ত ৰাহুল গান্ধীয়ে এজন যোগ্য প্ৰাৰ্থী। তেওঁৰ বাবে বৰ্তমান সময়ত কোনো নাই। বৈঠকৰ শেষৰ ফালে , কংগ্ৰেছৰ জেষ্ঠ সদস্য শশী থাৰুৰ আৰু মানিস তিৱাৰীয়ে ৰাহুল গান্ধীক পৃথকৈ সাক্ষাৎ কৰে । দলৰ বিপৰ্যয়ৰ বাবে কাকো দোষাৰোপ কৰা হোৱা নাই বুলি প্ৰকাশ কৰে ।

লোকসভা নিৰ্বাচনৰ পাছৰ পৰায়ে ৰাহুল গান্ধীয়ে ধাৰাবাহিক ভাবে পদত্যাগ কৰাৰ কথা প্ৰকাশ কৰি আহিছে । ৰাহুল গান্ধীৰ এনে পদক্ষেপে কংগ্ৰেছৰ সদস্য সকলক নিৰাশ কৰিছে ।

দেশৰ দ্বিতীয় বৃহৎ দল কংগ্ৰেছে লোকসভা নিৰ্বাচনত বৃহৎ ব্যবধানত পৰাজিত হয় আৰু ফলাফলে কংগ্ৰেছৰ অধ্যক্ষ গৰাকীক নিৰাশ কৰি তোলে । দলে ৰাহুল গান্ধীৰ পদত্যাগ গ্ৰহণ নকৰাৰ লগতে ৰাহুল গান্ধীৰ নেতৃত্বতে দলটো পৰিচালনা হোৱাটো বিচাৰে বুলি প্ৰকাশ কৰে।

গুৰুত্বপূৰ্ণ কথা হল যে , যদি অধক্ষ্য পদৰ পৰা পদত্যাগ কৰে ৰাহুল গান্ধীয়ে, তেতিয়া ৰাহুল গান্ধীৰ পৰবৰ্তী অধক্ষ্য কোন হব? ৰাহুল গান্ধীৰ পাছত এজনৰ নামে উল্লেখ কৰে অশোক গেহলট ।

কংগ্ৰেছৰ সভাপতি ৰাহুল গান্ধীৰ পদত্যাগৰ প্ৰস্তাৱ অগ্ৰাহ্য কৰিছিল চি ডব্লিউ চি অৰ্থাৎ দলটোৰ কাৰ্যনিৰ্বাহক কমিটীয়ে ৷ ইফালে চি ডব্লিউ চিয়ে ৰাহুল গান্ধীক দলটোৰ ক্ষেত্ৰত আমূল পৰিৱৰ্তন সাধন কৰি আৰু সাংগঠনিক ভাৱে পুনৰ গঠন কৰিবলৈ আহ্বান কৰে ।

কমিটীয়ে ৰাহুল গান্ধীক সম্প্ৰতি দলটোৰ নেতৃত্ব বহন কৰি বিকাশৰ পথত আগবঢ়াই লৈ যাবলৈ আহ্বান কৰিছিল। ৷ লগতে দেশৰ যুৱ প্ৰজন্ম,কৃষক,এচ চি,এচ টি,অ’বিচি,সংখ্যালঘূ সকলোৰে নেতৃত্ব বহন কৰিবলৈ কমিটী আহ্বান কৰে ৰাহুল গান্ধীক ৷ দলটোক সম্পূৰ্ণ বিকাশৰ পথত আগৱঢ়াই লৈ যাবলৈ ৰাহুল গান্ধীক আহ্বান কৰাৰ উপৰিও এখন আঁচনি মুকলি কৰাৰ কথা উল্লেখ কৰিছিল কংগ্ৰেছ ৱৰ্কিং কমিটীয়ে ৷

অধিক খবৰৰ বাবে পঢ়ক :আজি ৰাহুল গান্ধীৰ ওপজা দিন: মোদীৰ শুভেচ্ছা ৰাহুল গান্ধীলৈ

Next Story