চৌদিশে কান্দোনৰ ৰোলঃ ব্ৰিটেইনত ক’ৰ’নাত মৃতৰ সংখ্যাই স্পৰ্শ কৰিলে ১০হেজাৰৰ ঘৰক

চৌদিশে কান্দোনৰ ৰোলঃ ব্ৰিটেইনত ক’ৰ’নাত মৃতৰ সংখ্যাই স্পৰ্শ কৰিলে ১০হেজাৰৰ ঘৰক

চৌদিশে মাথোঁ কান্দোনৰ ৰোল ! সম্প্ৰতি আমেৰিকা-ব্ৰিটেইনত এনে পৰিৱেশ বিৰাজ কৰিছে ৷ দুয়োখন দেশতে ক’ৰ’না মহামাৰীৰ সংহাৰ বৃদ্ধি পাইছে ৷ শেহতীয়া তথ্য অনুসৰি এই মহামাৰীত ব্ৰিটেইনত প্ৰাণ হেৰুওৱা লোকৰ সংখ্যা ১০হেজাৰ হৈছে ৷ তদুপৰি আক্ৰান্ত হৈছে লক্ষাধিক ৷ আনহাতে, বিশ্বত কমেও এক লাখ লোকৰ মৃত্যু হৈছে ৷ চীনতো বৃদ্ধি পাইছে ক’ৰ’না মহামাৰীত আক্ৰান্তৰ সংখ্যা ৷ ভাৰততো নিতৌ বৃদ্ধি পাইছে ক’ৰ’না মহামাৰীত মৃতৰ সংখ্যা ৷ বৰ্তমানলৈকে কমেও ৩৭০জনে এই ৰোগত প্ৰাণ হেৰুৱাইছে ৷ আক্ৰান্ত হৈছে ১০ সহস্ৰাধিক লোক ৷ এনে জটিল পৰিস্থিতিত আজি প্ৰধানমন্ত্ৰীয়ে চলিত ল’ক-ডাউনৰ ম্যাদ অহা ৩মে’লৈ বৃদ্ধি কৰে ৷

পৰিস্থিতিৰ ভয়াবহতাৰ প্ৰতি লক্ষ্য ৰাখি ভিন্ন ৰাজ্যৰ মুখ্যমন্ত্ৰীসকলেও ল’ক-ডাউন বৃদ্ধিৰ পোষকতা কৰে ৷ এনে অৱস্থাতে আজি, ১৪ এপ্ৰিলৰ পুৱা ১০বজাত প্ৰধানমন্ত্ৰীয়ে পুনৰ দেশবাসীক উদ্দেশি ভাষণ দিয়ে ৷ উল্লেখ্য যে যোৱা শনিবাৰে দেশৰ বিভিন্ন ৰাজ্যৰ মুখ্যমন্ত্ৰীসকলৰ সৈতে এক ভিডিঅ’ কনফাৰেন্সিং বাৰ্তালাপত মিলিত হয় ৷ এই বাৰ্তালাপৰ সময়ত দিল্লীৰ মুখ্যমন্ত্ৰী অৰৱিন্দ কেজৰিৱালসহ ১৩জন মুখ্যমন্ত্ৰীয়ে ল’ক-ডাউন বৃদ্ধিৰ বাবে প্ৰধানমন্ত্ৰীক অনুৰোধ জনায় ৷ তাৰ পাছতে ওড়িছা আৰু পঞ্জাৱ চৰকাৰে অহা ৩০এপ্ৰিললৈকে ল’ক ডাউনৰ ম্যাদ বৃদ্ধি কৰে ৷

অন্য খবৰৰ বাবে পঢ়ক: দেশৰ যুৱ বিজ্ঞানীসকলক ক’ৰ’নাৰ প্ৰতিষেধক উদ্ভাৱনত নেতৃত্ব দিয়াৰ আহ্বান প্ৰধানমন্ত্ৰী মোদীৰ

ভিডিঅ প্ৰতক্ষ্য কৰক: SEBA will declare Results of HSLC-High Madrasa within 30 days from repeal of lockdown