Top
Begin typing your search above and press return to search.

দুৰ্গা পূজাত কি কৰিব আৰু কি নকৰিব: সেই সন্দৰ্ভত প্ৰশাসনৰ বৈঠক

দুৰ্গা পূজাত কি কৰিব আৰু কি নকৰিব: সেই সন্দৰ্ভত প্ৰশাসনৰ বৈঠক

Sentinel Digital DeskBy : Sentinel Digital Desk

  |  20 Sep 2019 4:49 AM GMT

দুৰ্গা পূৰ্জাৰ সময়ত সকলো প্ৰকাৰৰ পৰিস্থিতি শান্তি পূৰ্ণ ভাৱে বৰ্তি থাকে তাৰ কাৰণে কামৰূপ জিলা প্ৰশাসনে গুৱাহাটীৰ সকলে পূজা কমিটীক সজাগ কৰি কিছুমান নীতি নিৰ্দেশনা পালন কৰিবলৈ নিৰ্দেশ দিয়ে ৷প্ৰশাসনে গুৱাহাটী পৌৰ নিগম,প্ৰদূষণ নিয়ন্ত্ৰণ বৰ্ড,অসমৰ বিদুৎ বিভাগ,দুৰ্যোগ প্ৰশমন বিভাগে দুৰ্গা পূজাৰ কমিটীসমূহৰ লগত বৈঠক অনুষ্ঠিত কৰে ৷

লগতে যিকোনো লোকৰ স্বাস্থ্যৰ ক্ষতি হ’লে যাতে তৎকালীন ভাৱে চিকিৎসা কৰিব পাৰে তাৰ কাৰণে চিকিৎসক দলৰ সহিতে মেডিকেল টীমৰ ব্যৱস্থা কৰিব লাগে ৷কামৰূপ মহানগৰ জিলাৰ উপায়ুক্ত বিশ্বজিৎ পেগুৰ সভাপতিত্বত অনুষ্ঠিত হোৱা এই সভাত দুৰ্গাপূজা উদযাপন সমিতিসমূহৰ দুৰ্গোৎসৱ উদযাপনৰ ক্ষেত্ৰত মানি চলিব লগীয়া নীতি নিয়মসমূহৰ বিষয়ে বিস্তৃত ভাৱে আলোচনা কৰে । এই সভা খনত উপায়ুক্ত বিশ্ব জিৎ পেগুৱে দুৰ্গোৎসৱ যাতে অনুকুল পৰিৱেশত অনুষ্ঠিত হয় তাৰ কাৰণে পূজা কমিটীসমূহক অনুৰোধ জনায়। লগতে প্ৰদূষণৰ বাবে ক্ষতিকাৰক প্লাষ্টিক আৰু থাৰ্মকল আৰু পৰিস্কাৰ পৰিচ্ছনতাৰ প্ৰতিও যাতে সকলো পূজা কমিটীয়ে দৃষ্টি ৰাখে তাৰ তাৰ প্ৰতি লক্ষ্য ৰাখিবলৈ কয় উপায়ুক্ত পেগুৱে।

ইফালে প্ৰদূষণ নিয়ন্ত্ৰণ পৰিষদ,দুৰ্যোগ ব্যৱস্থাপনা বিভাগ,অগ্নি আৰু জৰুৰীকালীন সেৱা,এপিডিচিএল, গড়কাপ্তানি আদি বিভাগে দিয়া নীতি নিয়মসমূহৰ লগতে আৰক্ষী বিভাগৰ নীতি নিয়ম সমূহক মানি চলিবলৈ আহ্বান জনায়। পুজা কমিটী সমূহক সংশ্লিষ্ট ৰাজহ চক্ৰ বিষয়া আৰু আৰক্ষী থানাৰ ভাৰ প্ৰাপ্ত বিষয়াসকলৰ সৈতে সুমন্বয় ৰক্ষা কৰিবলৈ জিলা উপায়ুক্ত পেগুৱে আহ্বান জনায়। আনহাতে পূজাস্থলীসমূহত পৰ্যাপ্ত পৰিমাণৰ পোহৰা ব্যৱস্থা কৰিবলৈ আহ্বান জনায়।

যিকোনো মাদক দ্ৰব্য ব্যৱহাৰ কৰি যাতে পূজা স্থলীৰ আধ্যাত্মিক পৰিবেশ বিনষ্ট কৰিব নোৱাৰে তাৰ প্ৰতি তীক্ষ্ণ দৃষ্টি ৰাখিবলৈ পূজা কমিটীক আহ্বান কৰে উপায়ুক্তই। এই ক্ষেত্ৰত আবকাৰী বিভাগকো ব্যৱস্থা গ্ৰহণ কৰিবলৈ কয় জিলা উপায়ুক্ত গৰাকীয়ে ৷ ইফালে সততে দেখা যায় পূজাসমূহত লাউড স্পীকাৰ ব্যৱহাৰ কৰি শব্দ প্ৰদূষণ কৰা দেখা যায়। গতিকে এই ক্ষেত্ৰত পূজা কমিটীসমূহক সজাগ হ’বলৈ কয় উপায়ুক্তই ৷ যাতে কোনো ধৰণৰ শব্দ প্ৰদূষণৰ সৃষ্টি নহয়।

লগতে পথত পূজাৰ পেন্দেল দি যাত্ৰীসকলৰ অহা যোৱা কৰাত বাধা নিদিবলৈ আহ্বান কৰে উপায়ুক্তই। আনহাতে দেৱীৰ প্ৰতিমা বিসৰ্জনৰ সময়ত যাতে প্ৰশাসনে বান্ধি দিয়া নীতি নিয়মসমূহ মানি চলে তাৰ প্ৰতি পূজা কমিটীসমূহক লক্ষ্য ৰাখিবলৈ আহ্বান কৰে উপায়ুক্তই। উল্লেখ্য যে সভাত গুৱাহাটীৰ আৰক্ষী আয়ুক্ত দীপক কুমাৰে শান্তিপূৰ্ণ আৰু শৃংখলাবদ্ধভাৱে দুৰ্গা পূজা উৎযাপন কৰিবলৈ কয়।

আৰু প্ৰত্যেকটো অঞ্চলৰ দুৰ্গা পূজা কমিটীসমূহে স্থানীয়ি আৰক্ষী থানাৰ লগত সম্পৰ্ক ৰক্ষা কৰিবলৈ আহ্বান কৰে। সভাত অগ্নি আৰু জৰুৰীকালীন সেৱা বিভাগৰ উপ সঞ্চালক জয়শ্ৰী খেৰছা,গুৱাহাটী আৰক্ষী ডিচিপি প্ৰশান্ত শইকীয়া,অতিৰিক্ত উপায়ুক্ত বিদ্যুৎ বিকাশ ভাগৱতীৰ লগতে এপিডিচিএলৰ বিষয়াসকলে ভাষণ দিয়ে ৷

অন্য খবৰৰ বাবে পঢ়ক:আজি মুক্তি পাব ৰীমা দাসৰ পূৰ্ণদৈৰ্ঘ্যৰ ছবি বুলবুল কেন সিং

ভিডিঅ প্ৰতক্ষ্য কৰক:Man beaten up in Tinsukia suspecting him to be child abductor | The Sentinel News | Assam News

Next Story