ব্ৰহ্মপুত্ৰ জলস্তৰ বৃদ্ধিৰ পিছত পানীৰ তলত ফেন্সী আৰু উজান বজাৰ ৷ ৰাজ্যৰ বান পৰিস্থিতিয়ে ক্ৰমাৎ জনসাধাৰণৰ জীৱনত বিভীষিকাৰ সৃষ্টি কৰিছে ৷ ব্ৰহ্মপুত্ৰ নদীৰ জলস্তৰ সম্প্ৰতি ক্ৰমাৎ বৃদ্ধি পাইছে ৷লগতে নদীখনৰ জলস্তৰ বৃদ্ধি পোৱাৰ লগতে মহানগৰখনলৈ তীব্ৰ ভাবুকি সন্মুখীন হৈছে ৷জল সম্পদ বিভাগৰ এক বিশেষ তথ্য অনুসৰি নদীখনৰ জলস্তৰ প্ৰতি ঘন্টাত ৪.৫ চেন্টিমিটাৰকৈ বৃদ্ধি পাইছে ৷
সোমবাৰে বিয়লে পাঁছ বজালৈকে নদীখনৰ জলস্তৰ ৫০.৯৩ মীটাৰ বৃদ্ধি পাইছে ৷ইফালে চুনচালী ঘাট,উজান বজাৰৰ মাছৰ বজাৰ,ভৰলুমুখৰ মনসা গলী,ভুতনাথ কবৰস্থানৰ এটি অংশ,পাণ্ডু ষ্টেশ্যন কল’নী,পাণ্ডুৰ পুৰণি বজাৰ,মন্দিৰ ঘাট, ৪নং কলনী,গাড়িগাঁৱৰ এটি অংশ নদীয়ে জলমগ্ন কৰিছে ৷
লগতে ব্ৰহ্মপুত্ৰই জলমগ্ন কৰিছে চন্দ্ৰপুৰ আৰু মৰিগাঁৱৰ পথক ৷অন্যহাতে সোনাপুৰত দিগাৰু আৰু কলং নদীৰ জলস্তৰ বিপদ সীমাৰ ওপৰেৰে বৈ আছে ৷সোনাপুৰত কচুতলী আৰু দিগাৰুপাৰ দিগাৰু নদীৰ পানীয়ে প্ৰভাৱিত কৰিছে ৷আনহাতে বৰঘুলী,বৰপাক আৰু বেলতল অঞ্চলটো কলং নদীৰ পানীয়ে জলমগ্ন কৰিছে ৷ইফালে এই অঞ্চলসমূহৰ অধিকাংশ পৰিয়ালৰ কৃষি ভূমি,ধন,জন সকলো বানপানীয়ে উটুৱাই নিছে ৷ইফালে পবিতৰা আৰু ক্ষেত্ৰী আৰু মালাইবাৰীলৈ বানে সংশয়ৰ সৃষ্টি কৰিছে ৷
অন্য খবৰৰ বাবে পঢ়ক: গুৱাহাটীস্থিত ফেন্সী বজাৰলৈ নামি আহিছে তীব্ৰ প্ৰত্যাহ্বান
