চূড়ান্ত এনআৰচি প্ৰকাশৰ পিছতো প্ৰায় ১৯ লাখ লোকৰ ভৱিষ্যত অনিশ্চিত ৷ ৰাষ্ট্ৰীয় নাগৰিক পঞ্জীৰ পৰা বাদ পৰা প্ৰায় ১৯ লাখ লোক এতিয়াও অস্বীকৃত আদেশৰ পৰা অনিশ্চয়তাত আছে। ইয়াৰোপৰি চলিত বৰ্ষৰ ৩১ আগষ্টত চূড়ান্ত এনআৰচি প্ৰকাশৰ সম্প্ৰতি দুমাহ অতিক্ৰম কৰিলে ৷ অসমত ৰাষ্ট্ৰীয় নাগৰিক পঞ্জীত নাম সন্নিবিষ্ট কৰাৰ কাৰণে প্ৰায় ১৯,০৬,৬৫৭ জন লোকৰ নাম অযোগ্য হিচাপে পৰিগণিত হৈছে ৷এই লোকসকলে অস্বীকৃত আদেশ লাভ কৰাৰ পিছত এনআৰচিত নাম অন্তভূক্তিৰ কাৰণে ১২০ দিনৰ ভিতৰত বিদেশী ন্যায়াধীকৰণত আপীল কৰিব পাৰিব ৷
এনআৰচিৰ কাৰণে প্ৰায় ৩.২৯ কোটি লোকে আবেদন কৰিছে। য’ত ৩.১১ কোটি লোকে অন্তিম সূচীত ঠাই পাইছে। চলিত বৰ্ষৰ ১৯ অক্টোবৰত প্ৰতীক হাজেলাক মধ্য প্ৰদেশলৈ বদলিকৰণৰ কথা কয় শীৰ্ষ আদালতে ৷ইয়াৰ পিছত সাত দিনৰ ভিতৰত অধিসূচনা জাৰি কৰিবলৈ কয় শীৰ্ষ আদালতে ৷অৱশ্য পিছত গৃহ মন্ত্ৰ্যালয়ে এই ক্ষেত্ৰত অধিক সময় বিছাৰে ।এক বিশেষ সূত্ৰই দ্য চেন্টিনেলৰ সন্মুখত কয় যে অসম চৰকাৰৰ পৰা এই সন্দৰ্ভত আদেশ পাবলৈ প্ৰায় এক সপ্তাহ সময়ৰ প্ৰয়োজন হ’ব ৷অৱশ্য প্ৰতীক হাজেলাই স্থানান্তৰিত হোৱাৰ প্ৰাকমুহুৰ্তত উপায়ুক্ত আৰু চাৰ্কল বিষয়াক অস্বীকৃত আদেশৰ ক্ষেত্ৰত বিস্তৃত নিৰ্দেশ দিব ৷লগতে অস্বীকৃত আদেশ কেতিয়া আৰু কেনেকৈ দিব সেই বিষয়েও উল্লেখ থাকিব ৷ইয়াৰ পিছত এনআৰচিৰ কৰ্তৃপক্ষই বিজ্ঞাপনৰ মাধ্যমেৰে বিস্তৃত বিৱৰণ প্ৰদান কৰিব।
ল্লেখ্য যে চূড়ান্ত নাগৰিক পঞ্জীৰ পৰা বাদ পৰিল ১৯,০৬,৬৫৭ জন লোক ৷ অৰ্থাৎ নাম অন্তৰ্ভূক্তিৰ বাবে আৱেদন জনোৱা মুঠ ৩,৩০,২৭,৬৬১ জনৰ ভিতৰত ১৯,০৬,৬৫৭ জন বিদেশী বুলি এন আৰ চিয়ে চিহ্নিত কৰিলে ৷ সম্প্ৰতিবিদেশী ন্যায়াধীকৰণে সিদ্ধান্ত ল’ব কোনো বিদেশী আৰু বিদেশী ভাৰতীয় নাগৰিক ৷
৩১ আগষ্টত প্ৰকাশিত ৰাষ্ট্ৰীয় নাগৰিক পঞ্জীৰ ৰাজ্যিক সমন্বয়ক প্ৰতীক হাজেলাৰ কাৰ্যালয়ে চূড়ান্ত খচৰা প্ৰকাশ কৰে ৷সকলো এনআৰচি সেৱা কেন্দ্ৰ,চাৰ্কল অফিচাৰ আৰু উপায়ুক্ত কাৰ্যালয়ত এনআৰচিৰ চূড়ান্ত পঞ্জী মুকলি কৰে ৷
এনআৰচি প্ৰকাশৰ পিছত আটাইতকৈ গুৰুত্বপূৰ্ণ কথা এয়ে যে অসমত এক বৃহৎ সংখ্যক স্বদেশী লোকে ভাৰতীয় বুলি নিজক প্ৰমাণ কৰিবৰ কাৰণে বিদেশী ন্যায়াধীকৰণৰ মজিয়া গৰকিব লগা হৈছে ৷ এনআৰচিত অন্তৰ্ভুক্ত হ’বলৈ অযোগ্য বুলি ঘোষণা কৰা লোকসকলৰ ভিতৰত ১৯ লাখৰ ভিতৰত অধিক লোকেই জনগোষ্ঠীয় লোক ৷ ইফালে বিদেশী ন্যায়াধীকৰণ বিদেশীসকলক চিনাক্ত কৰিবৰ কাৰণে স্থাপন কৰা হৈছে। এনআৰচি প্ৰকাশৰ পিছত বিভিন্ন দল সংগঠনে এই সন্দৰ্ভত প্ৰতিক্ৰিয়া প্ৰকাশ কৰিছে ৷বিগত কিছুদিনৰ পৰা দেখা গৈছে যে সংখ্যা লঘূ লোকসকলৰ অঞ্চলত লোকসকল জাগৰণ অনাৰ চেষ্টা কৰি আছে ।
অন্য খবৰৰ বাবে পঢ়ক:প্ৰাক্তন মুখ্যমন্ত্ৰী তৰুণ গগৈৰ এনআৰচিৰ ন্যায়িক তদন্তৰ দাবী
ভিডিঅ প্ৰতক্ষ্য কৰক:Assam Martial Arts shines at World Martial Arts Games 2019 in London
