সোমবাৰে দেশৰ প্ৰথম গৰাকী দৃষ্টি হীন (আই এছ এছ) মহিলা প্ৰাঞ্জল পাটিলে ভাৰতীয় প্ৰশাসনিক সেৱাত নিৰ্বাচিত হৈ কেৰেলাৰ ত্ৰিভানথাপুৰম উপ জিলা অধিকাৰী হিচাপে কাৰ্য্যভাৰ গ্ৰহণ কৰে ।
মহাৰাষ্ট্ৰৰ উলহাস নগৰৰ বাসিন্দা প্ৰাঞ্জল পাটিলৰ দৃষ্টি জন্মৰ পৰাই দুৰ্বল আছিল। কিন্তু ছয় বছৰ বয়সত দৃষ্টি হেৰুৱাইছিল প্ৰাঞ্জল পাটিলে । তথাপিও কিন্তু আত্মবিশ্বাস হেৰুওৱা নাছিল প্ৰাঞ্জল পাটিলে । প্ৰাঞ্জল পাটিলে তেওঁৰ প্ৰথম প্ৰয়াসতে ২০১৬ চনত UPSC পৰীক্ষাত ৭৩৩ ৰেংক প্ৰাপ্ত কৰিছিল । তাৰপিছত ২০১৭ চনত UPSC পৰীক্ষাত ১২৪ ৰেংক লাভ কৰে । কাৰ্যভাৰ গ্ৰহণ কৰি প্ৰাঞ্জল পাটিলে কয় যে , " আমি কেতিয়াও হাৰ মানিব নালাগে আৰু কেতিয়াও পৰিত্যাগ কৰিব নালাগে । আমাৰ প্ৰয়াসৰ ফলত আমি সকলোৱে আমাৰ বিছৰাখিনি লাভ কৰিম " । প্ৰাঞ্জল পাটিলে তেওঁৰ সফলতাৰ শ্ৰেয় নিজৰ মাক দেউতাকক দিয়ে ।
তাৰোপৰি প্ৰাঞ্জল পাটিলে কয় যে , " কাৰ্যভাৰ গ্ৰহণ কৰাৰ ক্ষেত্ৰত মই অত্যন্ত সুখী আৰু গৌৰৱ অনুভৱ কৰিছো "। লগতে কয় যে জিলা খনৰ উপ শাখা সমূহৰ ক্ষেত্ৰত আৰু বেছি যোজনা প্ৰয়োগ কৰাৰ লগতে বিভিন্ন পৰিকল্পনা ও কৰিব বুলি কয় প্ৰাঞ্জল পাটিলে ।
প্ৰাঞ্জল পাটিলে মুম্বাইৰ দাদৰত অৱস্থিত কমলা মেহতা স্কুলত পঢ়িছিল । তাৰোপৰি এই বিদ্যালয় খন বিশেষ ভাৱে সক্ষম ব্যক্তি সকলৰ অধ্যয়নৰ বাবে । তাৰপিছত ছন্দাবাই কলেজৰ পৰা প্ৰাঞ্জল পাটিলে দ্বাদশ শ্ৰেণীলৈকে কলা শাখাত অধ্যয়ন কৰে ।
প্ৰাঞ্জল পাটিলে তেওঁৰ স্নাতক ৰাজনীতি বিজ্ঞান বিভাগত এচ টি চাভিৰচ মহাবিদ্যালয় ( ST Xavier's college ) ৰ পৰা লাভ কৰাৰ লগতে জৱাহৰলাল নেহৰু বিশ্ববিদ্যালয় ( jawaharlal nehru University ) ৰ পৰা আন্তৰ্জাতিক সম্পৰ্কত স্নাতকোত্তৰ ডিগ্ৰী লাভ কৰে।
তাৰোপৰি জানিব পৰা গৈছে যে প্ৰাঞ্জল পাটিলে ২০১৬ চনত লাভ কৰা ৰেলৱে মন্ত্ৰালয়লৰ চাকৰি নাকচ কৰিছিল । প্ৰাঞ্জল পাটিলে কাৰ্যভাৰ গ্ৰহণ কৰাৰ সময়ত অভিনন্দন জনাবলৈ উপস্থিত আছিল প্ৰাক্তন জিলা অধিকাৰী বিজু প্ৰভাকৰ , সামাজিক ন্যায় বিভাগৰ কৰ্মকৰ্তা সকল ।
অন্য খবৰৰ বাবে পঢ়ক: ভাৰতীয় অভিজিত বেনাৰ্জী সহ ডাফলো আৰু মাইকেল ক্ৰেমাৰলৈ অৰ্থনীতিৰ ন’বেল
ভিডিঅ প্ৰতক্ষ্য কৰক: Self Reliant Farmers from Titatbor
