ৰাজ্যৰ প্ৰথমটো বানে ইতিমধ্যে তাণ্ডৱৰ সৃষ্টি কৰিছে লক্ষীমপুৰ জিলাত ৷ লক্ষীমপুৰ জিলাৰ ২৮ খন গাঁৱত বানৰ প্ৰকোপ বৃদ্ধি পাইছে ৷ জিলা প্ৰশাসনৰ এক তথ্য অনুসৰি কাকৈৰ নদীৰ পানীয়ে চাৰিটা ৰাজহ চক্ৰ ক্ৰমে টেঙা বস্তি,ন আলি মাজগাঁও,মইনাপাৰা আৰু না ভগনিয়াৰ ৰঙানদীৰ বানে পাঁচখন গাঁও জলমগ্ন কৰিছে ৷
তাৰ ভিতৰত আছে ১ নং ডিজু পাথৰ,২ নং ডিজু পাথৰ,১১০/১০৭ গ্ৰান্ট ডিজু,অৰণ্য বস্তি আৰু ওঝানী খামতি আদি ৷ দ্বিতীয়তে উত্তৰ লক্ষীমপুৰ ৰাজহ চক্ৰৰ অন্তৰ্গত ১২ খন গাঁও বুৰিমুৰি,কাচিপাথাৰ,১নং পাটা পুখুৰী,চান্দমাৰী, বালীগাঁও বহ’তিয়া,বৰব’চা,১নং ৰঙাজান,চেৰাপ ভেটি,বৰবিল,১ নং হিন্দু ,৯/৬ কলিয়ামাৰি আদি ঠাইত বানৰ প্ৰকোপ ইতিমধ্যে বৃদ্ধি পাইছে ৷ইয়াৰোপৰি তাঁতিবাহাৰ,বুঢ়াবুঢ়ি,৪নং তাতিবাহাৰ,পুলি নাহৰণি,ফুটাভোগৰ লগত সাতখন গাঁও জনমগ্ন হৈছে ৷
বানে কদম আৰু নাৰায়নপুৰ ৰাজহ চক্ৰৰ ৩৯০ হেক্টৰ ভূমি জলমগ্ন কৰিছে ৷ ইয়াৰ উপৰিও বানত ৬,০৭০ জন লোক,১২০০ সৰু জন্তু, ৫৭১ টা ডাঙৰ জন্তু আৰু ১৬৮০ টা মুৰ্গীৰ মৃত্যু হৈছে ৷ দ্বিতীয়তে বানপানীৰ কাৰণে উত্তৰ লক্ষীমপুৰৰ লীলাবাৰী বিমানবন্দৰ পথ,নাৰায়ন আৰ চি কে অন্তৰ্গত ২ নং তাতিবাহাৰৰ পি ডব্লিউ ডি গাঁৱৰ পথ,কৃষ্ণাপুৰ আৰু ঘিলাধাৰীৰ মাজত এখন দলঙৰ লগতে বহু অঞ্চল ক্ষতি গ্ৰস্ত কৰে ৷
অধিক খবৰৰ বাবে পঢ়ক: ধাৰাষাৰ বৰষুণৰ ফলত বজালীৰ ২০৭ বছৰীয়া বটগছ কালদিয়া নদীৰ বানৰ কৱলত