Begin typing your search above and press return to search.

বানৰ তাণ্ডৱৰ সময়তে মহানগৰীতে বৃদ্ধি পাইছে শাক পাছলি আৰু মাছৰ মূল্য

বানৰ তাণ্ডৱৰ সময়তে মহানগৰীতে বৃদ্ধি পাইছে শাক পাছলি আৰু মাছৰ মূল্য

Sentinel Digital DeskBy : Sentinel Digital Desk

  |  15 July 2019 9:12 AM GMT

বানৰ তাণ্ডৱৰ সময়তে মহানগৰীত মাছ আৰু শাক পাছলিৰ মূল্য সম্প্ৰতি আকাশ লংঘী হৈ পৰিছে ৷ যাৰ কাৰণে বানত দৰে তীব্ৰ সংকটৰ সন্মুখত বানাক্ৰান্ত লোকসকলৰ মাজত প্ৰতিক্ৰিয়াৰ সৃষ্টি হৈছে ৷ ইফালে মহানগৰীত উজান বজাৰস্থিত মাছৰ বজাৰখন সম্প্ৰতি জলমগ্ন হৈ পৰিছে ৷ ৰাজ্যত ধাৰাষাৰে হোৱা বৰষুণৰ কাৰণে সম্প্ৰতি বিভিন্ন অঞ্চলত মাছ ধৰিব পৰা নাই মাছৰ ব্যৱসায়ীসকলে ৷

স্থানীয় লোকসকলৰ পৰাও মাছ সংগ্ৰহ কৰিব পৰা নাই ব্যৱসায়ীসকলে ৷ ইফালে বহিঃৰাজ্যৰ পৰা মাছ সংগ্ৰহ কৰিবলৈও অসুবিধাত পৰিছে ব্যৱসায়ীসকল ৷ যাৰ কাৰণে গুৱাহাটীত মাছৰ মূল্য আকাশ লংঘী হৈ পৰিছে ৷ অন্যহাতে গুৱাহাটীত প্ৰধানকৈ খাৰুপেটীয়া,দলগাঁৱ, মেঘালয় আদিৰ পৰা শাক পাছলি আনে ব্যৱসায়ীসকলে ৷কিন্তু ৰাজ্যৰ সৰ্বত্ৰে হোৱা বানপানীৰ কাৰণে শাক পাছলি অনাত অসুবিধাৰ সন্মুখীন হৈছে ব্যৱসায়ী সকল ৷

বেলতলা বজাৰত দেওবাৰে শাক পাছলিৰ মূল্য বৃদ্ধি হোৱা দেখা গৈছে ৷ লগতে শাক পাছলিৰ সংখ্যাও যথেষ্ট সীমিত ৷লগতে ক্ষুদ্ৰ ব্যৱসায়ীসকলে শাক পাছলিসমূহৰ সাধাৰণ মূল্যতকৈ অধিক মূল্য জনসাধাৰণৰ পৰা লোৱা দেখা গৈছে। ব্যৱসায়ীসকলৰ মত অনুসৰি বাৰিষাৰ কাৰণে শাক পাছলিসমূহ মূল্য বৃদ্ধি হৈছে ৷গতিকে ৰাজ্যৰ বান পৰিস্থিতিয়ে শাক পাছলিৰ লগতে অন্যান্য ক্ষেত্ৰতো প্ৰভাৱ পেলাইছে ৷গতিকে আকাশলংঘী মূল্য বৃদ্ধিয়ে লোকসকলৰ জন জীৱনত কেনেদৰে প্ৰভাৱ পেলাব আৰু বিভাগীয কৰ্তৃপক্ষই এই ক্ষেত্ৰত কি ভূমিকা ল’ব সেয়া হ’ব লক্ষ্যনীয় ৷

অধিক খবৰৰ বাবে পঢ়ক: মহানগৰীৰ পাৰ্কিং ব্যৱস্থাৰ সন্দৰ্ভত জি এম ডি এৰ প্ৰতিক্ৰিয়া

Next Story
চাকৰি