মহানগৰীৰ সৰ্বত্ৰে সম্প্ৰতি দুৰ্গা পূজাৰ উলাহ ৷প্ৰান্তে প্ৰান্তে শাৰদীয় দুৰ্গোৎসৱৰ মহা আয়োজন কৰিছে ৷শুক্ৰবাৰ অৰ্থাৎ আজি মা দুৰ্গাক ধূপ নৈবেদ্যৰে আৰাধনা কৰিব ৰাজ্য বাসীয়ে ৷ষষ্ঠীৰ পুৱা ৯ বাজি ১৪ মিনিট ১৭ ছেকেণ্ডত ষষ্ঠাদি কল্পাৰম্ভ ৷৮ বাজি ৪৬ মিনিট ৫৫ ছেকেণ্ডত কাত্যায়নী ৰূপত চলিব মা দূৰ্গাৰ পুজা ৷বিয়লি হ’ব আমন্ত্ৰণ আৰু অধিবাস।
ইফালে এইবাৰ ঘোৰাত আগমণ হ’ব মা দুৰ্গাৰ ৷ঘোৰাত আগমণৰ অৰ্থ হৈছে মাৰি মৰক,যুদ্ধ বিগ্ৰহ,মহামাৰী,অসূয়া অশান্তিকে ধৰি আন বহুতো। আনহাতে সম্প্ৰতি কৰ্মব্যস্ততাৰ মাজতে মহানগৰীৰ লোকসকলৰ মাজত দেখা গৈছে নিজৰ মন পছন্দৰ সামগ্ৰী ক্ৰয় কৰাৰ প্ৰস্ততি ৷ বিভিন্ন লোকে নিজৰ প্ৰয়োজন অনুসৰি বজাৰত বস্তু ক্ৰয় কৰাৰ লগতে আন কিছুমানে শ্বপিং মল সমূহত বজাৰ কৰিছে।
উল্লেখ্য যে পূজাৰ কাৰণে মহানগৰীৰ প্ৰশাসনৰ মাজতো দেখা গৈছে ব্যস্ততা ৷দুৰ্গাপূজাৰ সময়ত শিশু,ছাত্ৰ ছাত্ৰী,মহিলা আৰু জেষ্ঠ্য নাগৰিকসকলৰ সুৰক্ষিত কৰাৰ কাৰণে যান বাহন চলাচলৰ ক্ষেত্ৰত প্ৰতিবন্ধকতা আৰোপ কৰা হ’ব। যিকোনো ধৰণৰ বাহন মহানগৰীত পূজাৰ সময়ত ১ বজাৰ পৰা ৪ বজালৈ জালুকবাৰী,গড়চুক, বেলতলা,হাতিগাঁও আৰু চান্দমাৰীত প্ৰবেশ কৰিব নোৱাৰিব ।
গনেশ মন্দিৰৰ ফালৰ পৰা ড° আৰ পি ৰডেদি এটা পথেই থাকিব ৷ লগতে জু ৰোডৰ পৰা গনেশ মন্দিৰলৈকে এই পথছোৱাত ন’ এন্ট্ৰি থাকিব ৷ বাহনসমূহ চাৰ্ভিজ ৰোড,জি এচ ৰোড আৰু চুপাৰ মাৰ্কেট হৈ অহা যোৱা কৰিব ৷পল্টন বজাৰৰ নেপালী মন্দিৰৰ পৰা চেৰাভাটিলৈ ন’ এন্ট্ৰি পান বজাৰৰ এম এছ ৰোডত ন’ এন্ট্ৰী৷খুবছান্দ পইন্টৰ পৰা ন’ এন্ট্ৰী থাকিব।
জালুকবাৰী আৰক্ষী থানাৰ সন্মুখৰ পথত ন’ এন্ট্ৰী ।ভৰলুমুখৰ কুমাৰ পাৰা পাঁচ আলিলৈ অহা পাঁচোটা পথতেই ন’ এন্ট্ৰী ৷ভৰলু মুখৰ পৰা এটি ৰোড আৰু শান্তি পুৰলৈ অহা পথত ন’ পাৰ্কিং। বশিষ্ঠ চাৰি আলিৰ পৰা এজি অফিচৰ বাইলেনলৈকে বাহন আহিব পাৰিব। ভেটাপাৰা চাৰি আলিৰ পৰা বেলতলা চাৰিআলিলঋ যাব নোৱাৰিব ৷
জয়া নগৰৰ পৰা কে ভি লৈকে গাড়ী পাৰ্কিং কৰিব পাৰিব ।অনুৰাধাৰ পৰা হাতীগড় চাৰিআলিলৈ ওৱান ৱে ৷ আনহাতে পূজাৰ কেইদিন নামনি অসমৰ পৰা অহা বাছসমূহ মাছখোৱাৰ পৰিৱৰ্তে আইএচবিটিলৈ যাব । পূজাত বাহনসমূহৰ পাৰ্কিং ব্যৱস্থাক লৈ এচিপিৰ মন্তব্য যে আমি পূজা কমিটীসমূহক যান বাহনৰ ক্ষেত্ৰত কৰা নিয়ম সমূহ পালন কৰিবলৈ অনুৰোধ কৰিছো । পূজা পেণ্ডেলৰ ৫০০ মিটাৰৰ ভিতৰত কোনো বাহন ৰখোৱাৰ নিষেধাজ্ঞ আৰোপ কৰা হৈছে ৷ ইফালে পূজাৰ সময়ত সুৰা পান কৰাসকলৰ ক্ষেত্ৰতো বিহিত ব্যৱস্থা ল’ব মহানগৰী আৰক্ষীযে।
অন্য খবৰৰ বাবে পঢ়ক: দুৰ্গা পূজা ৰ কাৰণে বিদ্যুত বিভাগৰ দিশ নিৰ্দেশ
ভিডিঅ প্ৰতক্ষ্য কৰক:Durga Puja 2019: Chandrayan-II based theme at Guwahati’s Noonmati Sector 2