আজি প্ৰবিত্ৰ ঈদ। ঈদৰ প্ৰাকক্ষণত ইছলামিক সন্ত্ৰাসবাদী সংগঠনে কোনো সন্ত্ৰাস মূলক কাৰ্যকলাপৰ সংঘটিত কৰাৰ সম্ভাৱনা আছে বুলি প্ৰকাশ কৰিছে ইন্টেলিজেন্ট বিৰ'য়ে । ইতিমধ্যে সংস্থাটোৱে এলাৰ্ট জাৰি কৰিছে । ইছলামিক সন্ত্ৰাসবাদী সংগঠন আই এচ আৰু আই এচ আয়ে ঈদৰ উপলক্ষ্যে সন্ত্ৰাস মূলক কাৰ্যকলাপৰ সংঘটিত কৰাৰ পৰিকল্পনা কৰিছে ।
এক গোপন তথ্যৰ ভিত্তিত শুকুৰবাৰে ৰাজ্যিক আৰক্ষী শাখা আৰু আৰক্ষীৰ মুখ্য কাৰ্যালয়ত ইন্টেলিজেন্ট বিৰ'য়ে প্ৰকাশ কৰিছিল যে আই এচ আই , জেহাদি গোটে জম্বু - কাশ্মীৰৰ লগতে দেশৰ আন আন প্ৰান্তত সন্ত্ৰাস মূলক কাৰ্যকলাপৰ সংঘটিত কৰাৰ সম্ভাৱনা আছে ।মংগলবাৰে জম্বু-কাশ্মীৰৰ পৰা ঐতিহাসিক ৩৭০ অনুচ্ছেদ প্ৰত্যাহাৰৰ বিল গৃহীত কৰা হয় । সোমবাৰে ৰাজ্যসভাত বিল খন গৃহীত হোৱাৰ পাছত মংগলবাৰে লোকসভাত বহুতো বাক-বিতন্দাৰ পাছত গৃহীত কৰা হয় ৩৭০ অনুচ্ছেদ প্ৰত্যাহাৰ।
বৰ্তমানৰ পৰা জম্বু-কাশ্মীৰ, লাডাখ হ’ব পৃথক কেন্দ্ৰীয় শাসিত অঞ্চল । দ্বি-ভোটাৰ ব্যবস্থা নাথাকিব আৰু লগতে নাথাকিব সুকীয়া পতাকা । ত্ৰিৰংগ পতাকা উৰিব জম্বু কাশ্মীৰত । ৰাজ্য সভাত এই বিল গৃহীত হোৱাৰ পাছতে নিৰাপত্তা ব্যৱস্থা কটকটীয়া কৰি তুলা হৈছে । নিশাৰ পৰা শ্ৰীনগৰৰ পৰা জম্বুলৈ ঘোষণা কৰা হয় ১৪৪ ধাৰা। শিক্ষানুষ্ঠান সমূহ বন্ধ ৰখাৰ নিৰ্দেশ দিয়া হয় ।
সূত্ৰয়ে প্ৰকাশ কৰা মতে, ইছলামিক গোট আৰু পাকিস্তানৰ সন্ত্ৰাসবাদী সংগঠনে বাছ আস্থান, ৰেল ষ্টেচন , বিমানবন্দৰ আৰু আন গুৰুত্বপূৰ্ণ স্থান সমূহত কুটাঘাত সংঘটিত কৰাৰ পৰিকল্পনা কৰিছে বুলি প্ৰকাশ কৰিছে ।
ইন্টেলিজেন্ট বিৰ'ৰ শীৰ্ষ সূত্ৰয়ে প্ৰকাশ কৰা মতে , চৰকাৰে জম্বু-কাশ্মীৰত ৩৭০ অনুচ্ছেদ প্ৰত্যাহাৰ কৰাৰ পিছত শীঘ্ৰেই সন্ত্ৰাসবাদ মূলক কাৰ্যকলাপ মষিমূৰ হব। ইতিমধ্যে ৰাষ্ট্ৰীয় অনুসন্ধানকাৰী সংস্থায়ে দেশৰ বিভিন্ন ৰাজ্যত অভিযান অব্যাহত ৰাখিছে। কেৰেলাকে ধৰি বিভিন্ন স্থানত অভিযান চলাইছে । কিছু দিনৰ পূৰ্বে শ্ৰী লংকাত সংঘটিত ধাৰাবাহিক বোমা বিস্ফোৰণত ২৫০ জনকৈ লোকৰ মৃত্যু হৈছিল ।
ৰাজ্যসভাত ৩৭০ অনুচ্ছেদ প্ৰত্যাহাৰ গৃহীত হোৱাৰ পাছতে মোদী চৰকাৰে ২০০০ চাট ফোন, দ্ৰোণ আৰু ৩৫ হাজাৰ সেনা মোতায়েন কৰা হৈছে । সমান্তৰাললৈ সমগ্ৰ দেশতে সতৰ্কতা জাৰি কৰিছে ।৩৭০ অনুচ্ছেদ প্ৰত্যাহাৰৰ কৰাৰ পিছতে যিখিনি পৰিবৰ্তন হব সেই সমূহ জম্বু-কাশ্মীৰ বাসীয়ে সহজ ভাৱে গ্ৰহণ কৰিব নোৱাৰিব ।
ভিডিঅ প্ৰতক্ষ্য কৰক:Bipasa Hrangkhawal- the first woman air traffic controller of Tripura
