এন আই এৰ তদন্তকাৰী গোটৰ অভিযান অখিল গগৈৰ বাসগৃহত । কৃষক মুক্তি সংগ্ৰাম সমিতিৰ নেতা অখিল গগৈৰ বাসগৃহত বৃহস্পতিবাৰে এন আই এ ( ৰাষ্ট্ৰীয় তদন্তকাৰী গোট) য়ে অভিযান চলায়।
তদন্তকাৰী দল এন আই এৰ এক বিষয়াৰ দলে পুৱা সাত বজাত কৃষক নেতা অখিল গগৈৰ বাসগৃহত উপস্থিত হয় আৰু তালাচী আৰম্ভ কৰে। এন আই এ ৰ অভিযানকাৰী দলটোৱে কৃষক নেতাজনৰ বাসগৃহৰ পৰা সোৱণশিৰী জল বিদ্যুৎ প্ৰকল্পৰ নিৰ্মাণৰত প্ৰতিষ্ঠান এন এইচ পি চিৰ সমন্ধীয় কিছু নথি পত্ৰ জব্দ কৰে ।
তেওঁৰ পৰিচয় পত্ৰ আৰু বেংকৰ বহু নথি পত্ৰ জব্দ কৰে।
উল্লেখযোগ্য যে অখিল গগৈয়ে নাগৰিকত্ব সংশোধনী আইনৰ বিৰুদ্ধে উজনি অসমত তীব্ৰ প্ৰতিবাদ কৰিছিল । তেওঁক অসম আৰক্ষীয়ে যোৱা ডিচেম্বৰ ১২তাৰিখে গ্ৰেপ্তাৰ কৰিছিল।
কৃষক নেতা অখিল গগৈক যোৰহাট জিলাত গ্ৰেপ্তাৰ কৰা হৈছিল আৰু গ্ৰেপ্তাৰ কৰাৰ পিছতেই এন আই এ দলক হস্তান্তৰ কৰিছিল।
কঠোৰ নিৰাপত্তাৰ মাজত কৃষক মুক্তি সংগ্ৰাম সমিতিৰ নেতা অখিল গগৈক বৃহস্পতিবাৰে বিশেষ ন্যায়ালয়ত হাজিৰ কৰোৱা হয় ।
অন্য খবৰৰ বাবে পঢ়ক : অসম চৰকাৰৰ মুখ্য সচিব হিচাপে নিযুক্ত কুমাৰ সঞ্জয় কৃষ্ণ
