জাপানীজ এনকেফেলিটিচ (Japanese Encephalitis) আৰু একিউট এনকেফেলিটিচ চাইন্দ্ৰ'ম ( Acute Encephalitis Syndrome) বৰ্তমানে অসমত ভয়াবহ ৰূপ ধাৰণ কৰা নাই যদিও সতৰ্কতা জাৰি কৰিছে । জাপানীজ এনকেফেলিটিচৰ বাবে ৰাজ্যৰ জিলা সমূহত ৰেড এলাৰ্ট জাৰি কৰা হৈছে ।
চলিত বৰ্ষত জাপানীজ এনকেফেলিটিচৰ ফলত বৰ্তমানলৈকে ৬ লোকৰ মৃত্যু হোৱাৰ লগতে ২৪ জনকৈ লোক আক্ৰান্ত হৈ আছে । আনহাতে এই বছৰত প্ৰায় ২০০ টা এ ই এচ ( Acute Encephalitis syndrome)ত আক্ৰান্ত চিনাক্ত কৰা হৈছে । এনে পৰিস্থিতিৰ বাবে বিভাগে প্ৰতিৰোধ মূলক ব্যবস্থা গ্ৰহণ কৰিছে ।
নেচনেল ভেক্টৰ বোৰ্নি ডিজিজ কন্ট্ৰল প্ৰগ্ৰেমৰ মতে ভেক্টৰ বহিৰ্ভূত ৰোগৰ প্ৰবনতা সমূহ কামৰূপ , ডিব্ৰুগড় , শোণিতপুৰ আৰু শিবসাগৰত অধিক। যোৱা কেইবছৰত জাপানীজ এনকেফেলিটিচ আৰু একিউট এনকেফেলিটিচ চাইনদ্ৰম ৰোগৰ ফলত মৃত্যু হোৱা লোকৰ সংখ্যা এই জিলা কেইখনত অধিক আছিল ।
২০১৭ চনৰ নেচনেল হেল্থ প্ৰফাইলৰ মতে , অসমত ২০১২ ৰ পৰা ২০১৭ চনলৈকে ভেক্টৰ বোৰ্নি ডিজিজৰ ফলত মৃত্যু হোৱা লোকৰ সংখ্যা অধিক আছিল । ২০১৪ চনত এই ৰোগত আক্ৰান্ত হৈ ১৬৫ জনকৈ লোকৰ মৃত্যু হৈছিল , ২০১৫ চনত ১৬০ জনৰ মৃত্যু হৈছিল, ২০১৭ চনত ১১৯ আৰু ২০১৮ চনত ৬৬ জন লোকৰ মৃত্যু হৈছিল । বিগত বৰ্ষত বিভাগে প্ৰতিৰোধ মূলক ব্যবস্থা গ্ৰহণ কৰাৰ বাবে মৃত্যুৰ হাৰ হ্ৰাস হৈছিল। লগতে ৰাজ্যৰ বিভিন্ন প্ৰান্তত সজাগতা সৃষ্টিৰ বাবে বিভিন্ন পদক্ষেপ গ্ৰহণ কৰা পৰিলক্ষিত হৈছিল । প্ৰত্যেক খন জিলাৰ পৰা প্ৰত্যেক দিনাই ৰিপোৰ্ট সমূহ গ্ৰহণ কৰা হৈছিল ।লগতে ৰাজ্যৰ প্ৰত্যেক খন চিকিৎসালয়তে ঔষধ সমূহ মজুত ৰখা হৈছিল ।
জাপানীজ এনকেফেলিটিচ মহৰ দ্বাৰা হয়। গ্ৰাম্য অঞ্চল আৰু চহৰমূখী অঞ্চলত সমূহত এই ৰোগ বিধ অধিক হোৱা পৰিলক্ষিত হয় । জাপানীজ এনকেফেলিটিচ আৰু একিউট এনকেফেলিটিচ চাইনদ্ৰমৰ (AES) ৰোগৰ লক্ষ্যন সমূহ হৈছে মূৰ বিষ, জ্বৰ, গাঠি আৰু মাংসপেশীৰ বিষ, দুৰ্বল অনুভৱ আৰু টোপনি ভাব আহি থকা আদি সমূহ।
বৰ্তমানে অসমত ভয়াবহ ৰূপ ধাৰণ কৰা নাই জাপানীজ এনকেফেলিটিচ আৰু একিউট এনকেফেলিটিচ চাইন্দ্ৰ'ম যদিও সতৰ্কতা জাৰি কৰিছে । জাপানীজ এনকেফেলিটিচৰ বাবে ৰাজ্যৰ জিলা সমূহত ৰেড এলাৰ্ট জাৰি কৰা হৈছে ।
অধিক খবৰৰ বাবে পঢ়ক : কেন্সাৰ ৰোগত আক্ৰান্ত লোকসকলৰ সন্দৰ্ভত বিশেষ মন্তব্য ড° এচ কে দাসৰ
