দিল্লী যান যটৰ ফলত গ্ৰেপ্তাৰ হ'ল অপহৰণকাৰী এটা দল ।প্ৰত্যেক দিনাই আমি সন্মুখীন হ'ব লগীয়া হয় বৃহৎ যান যটৰ । যান যট সমস্যাৰ ফলত বহুতেই সময়মতে স্কুল কলেজ বা অফিচ আদিত উপস্থিত হ'ব নোৱাৰে । মুঠতে যান যটৰ ফলত জনসাধাৰণে সন্মুখীন হয় বিভিন্ন সমস্যাৰ । কিন্তু কিছু ক্ষেত্ৰত এই যান যট লাভদায়ককো পৰিলক্ষিত হয় ।
শুকুৰবাৰে উত্তম নগৰ যান যটত দিল্লী আৰক্ষীয়ে গ্ৰেপ্তাৰ কৰে গাড়ী চোৰ আৰু অপহৰণকাৰী দল এটাক । জানিব পৰা মতে , গাড়ী চুৰ আৰু অপহৰণকাৰী এটা দলে এজন ব্যক্তিক অপহৰণ কৰিছিল । কিন্তু দুৰ্ভাগ্যবশতঃ সেই দলটো উত্তম নগৰ- জনকপূৰী অঞ্চলৰ যান যটত আৱদ্ধ হয় । যাৰ ফলত গাড়ী চোৰ আৰু অপহৰণকাৰী দলটোক দিল্লী আৰক্ষীয়ে ৭ মিনিটৰ ভিতৰত গ্ৰেপ্তাৰ কৰে ।
দলটোৱে অপহৰন কৰা লোক জনৰ নাম আছিল ৰিজৱাল । ঘটনাটো সংঘটিত হয় মাজৰাতি যেতিয়া ৰিজৱালে ঘৰলৈ উভতি আহি আছিল । মাজৰাতি ৰিজৱালে ঘৰলৈ উভতি আহি পথত দলটোৱে ৰিজৱালৰ গাড়ীৰ চাবি কাঢ়ি নিয়ে আৰু ৰিজৱালক জোৰ কৰি গাড়ীত উঠাই জনকপুৰি অভিমুখে যায় ।
কিন্তু দুৰ্ভাগ্যবশতঃ অপহৰণকাৰী দলটো আৱদ্ধ হয় বৃহৎ যান যটত । যাৰ ফলত আৰক্ষীয়ে গ্ৰেপ্তাৰ কৰিবলৈ সক্ষম হয় গাড়ী চোৰ আৰু অপহৰণকাৰী দলটোক ।
দি এচ পি শৰত কুমাৰ সিন্হাৰ মতে এই ঘটনাটোৰ প্ৰতিবেদন দাখিল হয় ৰাতি ২ মান বজাত । ৰিজৱালৰ ভাতৃয়ে আৰক্ষীক জনাই যে ৪ জন মানুহৰ এটা দলে জনকপুৰিৰ ওচৰত থকা ৰিজৱালৰ গাড়ী খন লৈ যোৱাৰ লগতে ৰিজৱালকো অপহৰন কৰে । লগতে আৰক্ষীক জানিব দিয়ে যে গাড়ী খনত "হাই লেন্ডাৰ" বুলি লিখা আছিল ।
তাৰপিছতেই আৰক্ষীৰ তৎপৰতাৰ ফলত ৭ মিনিটৰ ভিতৰতে উদ্বাৰ কৰিবলৈ সক্ষম হয় ৰিজৱালক । দলটোৱে পলায়ন কৰিব চেষ্টা কৰিছিল যদিও দলটোৰ এজনক কৰায়ত্ত কৰিবলৈ সক্ষম হয় আৰক্ষী । ইতিমধ্যে গাড়ী চোৰ আৰু অপহৰণকাৰী দলটোৰ বাকী তিনিজন লোক পলাতক অৱস্থাত আছে ।
অধিক খবৰৰ বাবে পঢ়ক: নতুন যান বাহন আইন ২০১৯ , কুকুৰেও পৰিধান কৰিলে হেলমেট
ভিডিঅ প্ৰতক্ষ্য কৰক: Major explosion in Tyre Garage injures three in Dhekiajuli
