মহেন্দ্ৰ মোহন চৌধুৰী হস্পিতাল (MMCH) ক জাপানীজ এনকেফেলাইটিছ ৰোগীৰ বাবে আদৰ্শ চিকিৎসালয়ত বুলি স্বীকৃতি প্ৰদান কৰিছে। জাপানীজ এনকেফেলাইটিছ ৰোগীৰ চিকিৎসাৰ বাবে এম এম চি এইচ আদৰ্শ চিকিৎসালয় বুলি কামৰূপ মহানগৰ জিলা উপায়ুক্ত বিশ্বজিৎ পেগুয়ে প্ৰকাশ কৰিছে । শুকুৰবাৰে জিলা উপায়ুক্তৰ কনফৰেন্সৰ হলত অনুষ্ঠিত বৈঠকত এই কথা প্ৰকাশ কৰে।
এই বৈঠক খন বিশেষকৈ জাপানীজ এনকেফেলাইটিছ ৰোগৰ ক্ষেত্ৰত গ্ৰহণ কৰা অথবা কৰিব লগীয়া ব্যবস্থাৰ সম্পকে আলোচনা কৰা হয় । লগতে জি এম চি এইচ আৰু এম এম চি এইচ চিকিৎসালয়ক জাপানীজ এনকেফেলাইটিছ ৰোগীক উপযুক্ত চিকিৎসা প্ৰদান কৰিবলৈ কোৱা হয় । জে ই ৰোগীৰ ক্ষেত্ৰত লব লগা কেয়াৰৰ সন্দৰ্ভতো আলোচনা কৰা হয় । পিছত বৈঠকত সোনাপুৰৰ জিলা চিকিৎসালয়ত জাপানীজ এনকেফেলাইটিছ ৰোগীক দিয়া চিকিৎসাৰ সন্দৰ্ভতো আলোচনা কৰা হয় ।
এই বৈঠকত স্বাস্থ্য বিভাগ, ভেটেনেৰী ( Animal Husbandry & veterinary), পঞ্চায়ত আৰু গ্ৰাম্যাঞ্চল উন্নয়ন বিভাগ, ৰাজহুৱা স্বাস্থ্য ইঞ্জিনিয়াৰিং ( public health engineering) , কৃষি, মৎস্য, সমাজ কল্যাণ বিভাগৰ লগতে আন আন বিভাগৰ বিষয়াও উপস্থিত থাকে। এই বৈঠকতে জিলা উপায়ুক্তয়ে জিলা সমূহত সজাগতা সৃষ্টি কৰিবলৈ নিৰ্দেশ দিছে ।
বৰ্তমান সময়ত জাপানীজ এনকেফেলাইটিছ ৰোগে ৰাজ্যত ভয়াবহ ৰূপ ধাৰণ কৰিছে। সোমবাৰলৈকে জাপানীজ এনকেফেলাইটিছ ৰোগত আক্ৰান্ত হৈ ৩৩ জনৰ মৃত্যু হোৱাৰ লগতে , ১২২ জন লোকৰ আক্ৰান্ত হৈ আছে । সোমবাৰে কেন্দ্ৰীয় দলে ৰোগৰ সন্দৰ্ভত আলোচনা কৰে।
অধিক খবৰৰ বাবে পঢ়ক :জাপানীজ এনকেফেলাইটিছ নিয়ন্ত্ৰণত ব্যৰ্থ অসম চৰকাৰ : সদৌ অসম ছাত্ৰ সন্থা