![ব্যক্তিগত বাহন লৈ ঘৰৰ পৰা নোলাবঃ আৰক্ষীৰ কঠোৰ সকিয়নী](http://media.assettype.com/assamese-sentinelassam%2Fimport%2Fwp-content%2Fuploads%2Fsites%2F2%2F2020%2F04%2FAssam-Police-300x157-1.jpg?w=480&auto=format%2Ccompress&fit=max)
ব্যক্তিগত বাহন লৈ ঘৰৰ পৰা নোলাবঃ আৰক্ষীৰ কঠোৰ সকিয়নী
আজিৰ পৰা অহা ২০এপ্ৰিললৈ ব্যক্তিগত বাহন লৈ ঘৰৰ পৰা নোলাবলৈ কঠোৰ নিৰ্দেশ জাৰি কৰিছে অসম আৰক্ষীয়ে ৷ কালি প্ৰধানমন্ত্ৰী নৰেন্দ্ৰ মোদীয়ে ঘোষণা কৰা অনুসৰি আজিৰ পৰা তলাবন্ধৰ নীতি-নিয়ম অত্যন্ত কঠোৰ কৰি তোলা হৈছে ৷ ইয়াৰ পৰিপ্ৰেক্ষিতত অসম আৰক্ষীয়ে তলাবন্ধ কঠোৰভাবে মানি চলিবলৈ নিৰ্দেশ জাৰি কৰিছে ৷ আজি অসম আৰক্ষীৰ সঞ্চালক প্ৰধান (ডি জি পি) ভাস্কৰজ্যোতি মহন্তই কয যে অহা ২০এপ্ৰিললৈ কোনো লোকেইঅনুমতি অবিহনে ব্যক্তিগত বাহন লৈ ঘূৰা-পকা কৰিব নোৱাৰিব ৷ আইন উলংঘাকাৰীৰ বিৰুদ্ধে কঠোৰ ব্যৱস্থা গ্ৰহণ কৰা হ’ব ৷ অৱশ্যে আৰক্ষী, সংবাদ মাধ্যমৰ লোক, চিকিৎসাকৰ্মীক ইয়াৰ পৰা ৰেহাই দিয়া হৈছে ৷ “অহা ২০এপ্ৰিললৈকে ব্যক্তিগত বাহনলৈ ঘৰৰ পৰা নোলাব ৷ কোনো অকৰ্তৃত্বশীল ব্যক্তিক এনেদৰে ঘূৰা পকা কৰিবলৈ দিয়া নহ’ব ৷ আইন উলংঘাকাৰীৰ বিৰুদ্ধে আৰক্ষীয়ে কঠোৰ ব্যৱস্থা গ্ৰহণ কৰিব ৷ ” ডি জি পি মহন্তই এইদৰে কয় ৷
অন্য খবৰৰ বাবে পঢ়ক: ক’ৰ’না আতংক: দেশত বিগত ২৪ ঘন্টাত নতুনকৈ ১,১৭৩ লোক আক্ৰান্ত মহামাৰীত