ল’কডাউন দীঘলীয়া হোৱাৰ পূৰ্ণ সম্ভাৱনাঃ আজি নিশা আঠ বজাত দেশবাসীক পুনৰ সম্বোধন কৰিব প্ৰধানমন্ত্ৰীয়ে

ল’কডাউন দীঘলীয়া হোৱাৰ পূৰ্ণ সম্ভাৱনাঃ আজি নিশা আঠ বজাত দেশবাসীক পুনৰ সম্বোধন কৰিব প্ৰধানমন্ত্ৰীয়ে

কৱিড-১৯মহামাৰী প্ৰতিৰোধৰ উদ্দেশ্য প্ৰধানমন্ত্ৰী নৰেন্দ্ৰ মোদীয়ে ঘোষণা কৰা দেশজোৰা তলাবন্ধ বৃদ্ধিৰ পূৰ্ণ সম্ভাৱনা আছে ৷ এই মহামাৰীয়ে ভয়ংকৰ ৰূপ ধাৰণ কৰা তথা ২৯০জন লোকৰ মৃত্যু হোৱা আৰু ছয় সহস্ৰাধিক আক্ৰান্ত হোৱাৰ পৰিপ্ৰেক্ষিতত ল’ক ডাউন বৃদ্ধিৰ সম্ভাৱনা প্ৰকট হৈছে ৷ পূৰ্বে ঘোষিত ২১দিনীয়া ল’ক ডাউনৰ ম্যাদ অহা ১৪এপ্ৰিলত অন্ত পৰিব ৷ তাৰ পাছত ল’ক ডাউনৰ ম্যাদ পুনৰ বৃদ্ধিৰ সম্ভাৱনা আছে ৷ আজি নিশা প্ৰধানমন্ত্ৰী মোদীয়ে দেশবাসীক উদ্দেশি ভাষণ দিব ৷ এই ভাষণৰ সময়ত তেওঁ ল’ক-ডাউনৰ ম্যাদ বৃদ্ধিৰ কথা ঘোঘণা কৰাৰ পূৰ্ণ সম্ভাৱনা আছে ৷ উল্লেখ্য যে ইতিমধ্যে পঞ্জাৱ আৰু ওড়িছা চৰকাৰে অহা ৩০ এপ্ৰিললৈকে লক ডাউন বৃদ্ধি কৰিছে ৷ আজি প্ৰধানমন্ত্ৰী মোদীয়ে ৰাজ্যসমূহৰ মুখ্যমন্ত্ৰীসকলৰ সৈতে এক ভিডিঅ’ কনফাৰেন্সত মিলিত হয় ৷ তাৰ পাছতে তেওঁ দেশবাসীক উদ্দেশি নিশা আঠ বজাত ভাষণ দিব বুলি ঘোষণা কৰে ৷

অন্য খবৰৰ বাবে পঢ়ক: ল’ক ডাউন অবিহনে ভাৰতত আঠ লক্ষাধিক হ’লহেতেঁন ক’ৱিড আক্ৰান্তঃ বৈদেশিক মন্ত্ৰালয়

ভিডিঅ প্ৰতক্ষ্য কৰক: SEBA will declare Results of HSLC-High Madrasa within 30 days from repeal of lockdown