দেশৰ প্ৰাক্তন মুখ্য ন্যায়াধীশ অসম সন্তান ৰঞ্জন গগৈয়ে বৃহস্পতিবাৰে ৰাজ্যসভাৰ সাংসদৰূপে শপতগ্ৰহণ কৰে ৷ যোৱা ১৬ মাৰ্চত ৰাষ্ট্ৰপতি ৰামনাথ ক’ৱিন্দই প্ৰাক্তন মুখ্য ন্যায়াধীশ গগৈক ৰাজ্যসভাৰ সাংসদৰূপে মনোনীত কৰে ৷ ইয়াকে লৈ দেশজুৰি মিশ্ৰিত প্ৰতিক্ৰিয়াৰ সৃষ্টি হৈ থকাৰ সময়তে গগৈয়ে আজি শপতগ্ৰহণ কৰে ৷ ইয়াৰ প্ৰতিবাদ জনাই বিৰোধী কংগ্ৰেছে সদন ত্যাগ কৰে ৷ ইয়াৰ পূৰ্বৰে পৰা দলে গগৈৰ মনোনীতকাৰণৰ প্ৰতিবাদ জনাই আহিছে ৷
প্ৰাক্তন কেন্দ্ৰীয় মন্ত্ৰী তথা জ্যেষ্ঠ কংগ্ৰেছ নেতা কপিল ছিবালে গগৈক সাঙুৰি মোদী চৰকাৰক কঠোৰ ভাষাৰে সমালোচনা কৰিছে ৷ একেদৰে উচ্চতম ন্যায়ালয়ৰ প্ৰাক্তন বিচাৰপতিদ্বয় কুৰিয়ান যোচেফ আৰু মাৰ্কেন্দ্ৰেয় কাটজোৱেও গগৈক অতি কঠোৰ শব্দ প্ৰয়োজেৰে সমালোচনা কৰে ৷ উল্লেখ্য যে সাংবিধানিক নিয়ম অনুসৰি ৰাষ্ট্ৰপতিয়ে ১২জন সাংসদক ৰাজ্যসভালৈ মনোনীত কৰিব পাৰে ৷ আজি গগৈয়ে শপতগৱৰহণ কৰাৰ সময়ত লজ্জাজনক, লজ্জাজনক আখঝ হি বিৰোধী কংগ্ৰেছ সাংসদসকলে সদন ত্যাগ কৰি উলাই যায় ৷ উল্লেখ্য যে যোবা বছৰৰ নৱেম্বৰত গগৈয়ে দেশৰ মুখ্য ন্যায়াধীশৰূপে অৱসৰ গ্ৰহণ কৰে ৷
অন্য খবৰৰ বাবে পঢ়ক: ক’ৰ’না ভাইৰাছ প্ৰতিৰোধঃ সকলো চিকিৎসালয়ে ৰাখিব লাগিব সুকীয়া কক্ষ
ভিডিঅ প্ৰতক্ষ্য কৰক: KMSS leader Akhil Gogoi granted bail as NIA fails to submit charge-sheet
