কেমেৰাৰ মুখামুখি হ’বলৈ সাজু বলীউডৰ চিৰসেউজ অভিনেতা ঋষি কাপুৰ ৷ বিগত বছৰৰ অক্টোবৰত বলীউডৰ চিৰসেউজ অভিনেতা ঋষি কাপুৰ কেন্সাৰ চিকিৎসাৰ কাৰণে নিউয়ৰ্কলৈ যাত্ৰা কৰিছিল ৷ প্ৰায় ১০ মাহ পিছত সুস্থ শৰীৰেৰে ঋষি কাপুৰ পুনৰ নিজৰ মাতৃভূমিলৈ আগমণ হ’ব ৷ ইতিমধ্যে এক সাক্ষাৎকাৰত ঋষি কাপুৰে কয় যে মই সম্পূৰ্ণভাৱে সুখী তথা সুস্থ ৷
পুনৰ কেমেৰাৰ মুখা মুখি হ’বলৈ মই সাজু । লগতে ঋষি কাপুৰে কয় মই মোৰ কেৰিয়াৰত ইমান বৃহৎ ব্ৰেক কেতিয়াও লোৱা নাছিলো। পুনৰ উভতি অহাৰ সময় আহি পৰিছে ৷ ইফালে অলপ ধেমেলীয়া সুৰত ঋষি কাপুৰে কয় যে মোৰ বেটাৰী চাৰ্জ হৈ আছে ৷ নিউয়ৰ্কত থকা সময়খিনিত মোক বহু তেজ দিছে ৷গতিকে মই যাতে মোৰ অভিনয় পাহৰি নাযাওঁ ৷
আনহাতে প্ৰায় পাঁচমাহ ধৰি ঋষি কাপুৰ ছ’চিয়েল মিডিয়াৰ পৰা দূৰত আছে যদিও কিছুদিনৰ পৰা আকৌ ছ’চিয়েল মিডিয়াৰ লগত জড়িত হৈ পৰিছে ৷বলীউডৰ চিৰ সেউজ অভিনেতা ঋষি কাপুৰ যে কেন্সাৰৰ পৰা যে মুক্তি পালে সেই কথা নিশ্চয় অনুৰাগীসকলে জানিছে ৷তথাপি সম্প্ৰতি ঋষি কাপুৰ আছে নিউয়ৰ্কৰ চিকিৎসকসকলৰ অধীনত ৷ এই সময়ত ঋষি কাপুৰৰ লগত আছে তেওঁৰ পত্নী নীতু সিং ৷নীতু সিং আৰু ঋষি কাপুৰৰ জীয়ৰী ৰিদ্ধিমা কাপুৰে ইনষ্টাগ্ৰামত এখন ফ’টো শ্বেয়াৰ কৰিছে ৷
ফ’টো খনত ৰনবীৰ কাপুৰ,আলিয়া ভাট্ট,ঋষি কাপুৰক দেখিবলৈ পোৱা গৈছে ৷ ৰিদ্ধিমাই এখন অন্য আলোকচিত্ৰও শ্বেয়াৰ কৰিছে ৷ সেই ফটোখনত ৰনবীৰ কাপুৰ,আলিয়া ভাট্টৰ উপৰিও ঋতু নন্দা,নাতাশা নন্দাৰ লগতে ঐশ্বৰ্য ৰায় বচ্চন,স্বামী অভিষেক বচ্চন আৰু জীয়ৰী আৰাধ্যা বচ্চনক দেখিবলৈ পোৱা গৈছে। এক বিশেষ সূত্ৰ মত অনুসৰি ঋষি কাপুৰে ৪ ছেপ্তেম্বৰত ৬৭ সংখ্যক জন্মদিন ভাৰতত আয়োজন কৰিব পাৰে ৷কাৰণ ভাৰতলৈ অহাৰ প্ৰসংগত ঋষি কাপুৰে কৈছিল যে মই আগষ্টত ভাৰতলৈ আহিবলৈ চেষ্টা কৰিম ৷
অন্য খবৰৰ বাবে পঢ়ক : কেন্সাৰ মুক্ত হ’ল বলীউডৰ চিৰসেউজ অভিনেতা ঋষি কাপুৰ