তিনিটা বয়ল কণীৰ দাম দেখি চকু কপালত উঠিল শেখৰৰ , আপুনিও হ'ব আচৰিত । সংগীত পৰিচালক তথা সংগীতকাৰ শেখৰ ৰিজৱানী সকলোৰে পৰিচিত নাম । বিশাল শেখৰ নামেৰে জনপ্ৰিয় সংগীতকাৰ যোৰীটোৰ শেখৰ ৰিজৱানী এজন। বৃহস্পতিবাৰে এখন হোটেলৰ বিল দেখি আচৰিত হয় শেখৰ ৰিজৱানী ।
বিলাসী দোকানত কম সোৱাদ যুক্ত খাদ্যৰ ঘটনা প্ৰায়ে পোহৰলৈ আহে । এয়া অতি সাধাৰণ কথা যে বিলাসী হোটেলত খাদ্যৰ দাম যথেষ্ট বেছি । তদুপৰি কিছুমান সৰু সৰু বস্তুৰ বাবদো বহু বেছি দাম ভৰিব লগা বিলাসী হোটেল বিলাকত ।
বিলাসী হোটেল বেছি দামৰ ঘটনা এটা পোহৰলৈ আহিছে । সংগীত পৰিচালক শেখৰ ৰিজৱানীয়ে বৃহস্পতিবাৰে এখন হোটেলৰ বিল দেখি আচৰিত হয়। অৱশ্যে তেওঁৰ এই বিলখন দেখিলে আপুনিও আচৰিত হ'ব । এখন বিলাসী পঞ্চম তাৰকা হোটেলত শেখৰ ৰিজৱানীয়ে অৰ্ডাৰ কৰা তিনিটা বয়ল কণীৰ বাবে বিল আহে ১৬৭২ টকা ।
https://twitter.com/ShekharRavjiani/status/1194982095728205824
শেখৰ ৰিজৱানীয়ে বিল খনৰ ফটো নিজৰ ছ'চিয়েল মিডিয়া একাউণ্টত প্ৰচাৰ কৰিছে । বিল খনত দেখিব পোৱা গৈছে যে তিনিটা বয়ল কণীৰ বাবদ বিল আহিছে ১৩৫০ টকা আৰু টেক্সৰ সৈতে মিলি হয় মুঠ ১৬৭২ টকা । সাধৰণ মানুহৰ বাবে এই দাম অতি আচৰিতজনক । কিন্তু শেখৰেও তিনিটা কণীৰ দাম দেখি আচৰিত হয়। শেখৰে ছ'চিয়েল মিডিয়া যোগে প্ৰচাৰ কৰা ফটোত লিখিছে যে , " তিনিটা কণীৰ বাবদ ১৬৭২ টকা ? এয়া অলপ বেছিয়ে ব্যয়বহুল নহয়নে?"
এয়া প্ৰথম নহয় যে বিলাসী হোটেলৰ অদ্ভুত দাম পোহৰলৈ আহিছে । ইয়াৰ পূৰ্বেও কিছুমান এনেকুৱা ঘটনা সংঘটিত হৈছে যে যাৰ দাম শুনিলে হতভম্ব হয় সকলোৱে । কিছুদিন পূৰ্বে অভিনেতা ৰাহুল বোচে এখন বিলাসী হোটেলৰ বিলৰ ফটো শ্বেয়াৰ কৰিছিল। য'ত দুটা কলৰ বিনিময়ত বিল আহিছিল ৪৪২ টকা । ইয়াৰ ফলত হোটেল খনে পিছত ২৫ হাজাৰ টকাৰ জৰিমণাও ভৰিব লগা হয়।
ছ'চিয়েল মিডিয়াত এই ফটোৰ ওপৰত বহুতে নিজৰ প্ৰতিক্ৰিয়া ব্যক্ত কৰিছে।
অন্য খবৰৰ বাবে পঢ়ক: আপুনি কেতিয়াবা শুনিছেনে নাকত দাঁত গজা? এজন ব্যক্তিৰ নাকত গজি উঠিল দাঁত
ভিডিঅ প্ৰতক্ষ্য কৰক: Congress Party stage protest in Tinsukia wearing garland of Potatoes and Onions